Pāṭha · the full text
শ্রী ললিতা সহস্রনাম স্তোত্রম্The Lalitā Sahasranāma in Bengali
The whole stotra as it is chanted: the dhyāna verses first, then all 182 shlokas in order. Tap any verse number to hear it chanted, read it word by word, and see what each of its names means.
Bengali writes b and v with the same letter, ব, so check the IAST or the audio for which is meant.
Dhyānam
সিন্দূরারুণ বিগ্রহাং ত্রিনয়নাং মাণিক্যমৌলি স্ফুরৎ তারা নায়ক শেখরাং স্মিতমুখীমাপীনবক্ষোরুহাম্ পাণিভ্যামলিপূর্ণরত্নচষকং রক্তোৎপলং বিভ্রতীং সৌম্যাং রত্ন ঘটস্থ রক্তচরণাং ধ্যায়েৎ পরামম্বিকাম্ অরুণাং করুণাতরঙ্গিতাক্ষীং ধৃতপাশাঙ্কুশপুষ্পবাণচাপাম্ অণিমাদিভিরাবৃতাং ময়ূখৈরহমিত্যেব বিভাবয়ে ভবানীম্ ধ্যায়েৎ পদ্মাসনস্থাং বিকসিতবদনাং পদ্মপত্রায়তাক্ষীং হেমাভাং পীতবস্ত্রাং করকলিতলসদ্ধেমপদ্মাং বরাঙ্গীম্ সর্বালঙ্কারযুক্তাং সতত মভয়দাং ভক্তনম্রাং ভবানীং শ্রীবিদ্যাং শান্তমূর্তিং সকলসুরনুতাং সর্ব সম্পৎপ্রদাত্রীম্ সকুঙ্কুমবিলেপনামলিকচুম্বিকস্তূরিকাং সমন্দহসিতেক্ষণাং সশরচাপপাশাঙ্কুশাম্ অশেষজনমোহিনীং অরুণমাল্যভূষাম্বরাং জপাকুসুমভাসুরাং জপবিধৌ স্মরাম্যম্বিকাম্
শ্রীমাতা শ্রীমহারাজ্ঞী শ্রীমৎসিংহাসনেশ্বরী । চিদগ্নিকুণ্ডসম্ভূতা দেবকার্যসমুদ্যতা ॥ ১ ॥
উদ্যদ্ভানুসহস্রাভা চতুর্বাহুসমন্বিতা । রাগস্বরূপপাশাঢ্যা ক্রোধাকারাঙ্কুশোজ্জ্বলা ॥ ২ ॥
মনোরূপেক্ষুকোদণ্ডা পঞ্চতন্মাত্রসায়কা । নিজারুণপ্রভাপূরমজ্জদ্ব্রহ্মাণ্ডমণ্ডলা ॥ ৩ ॥
চম্পকাশোকপুন্নাগসৌগন্ধিকলসৎকচা । কুরুবিন্দমণিশ্রেণীকনৎকোটীরমণ্ডিতা ॥ ৪ ॥
অষ্টমীচন্দ্রবিভ্রাজদলিকস্থলশোভিতা । মুখচন্দ্রকলঙ্কাভমৃগনাভিবিশেষকা ॥ ৫ ॥
বদনস্মরমাঙ্গল্যগৃহতোরণচিল্লিকা । বক্ত্রলক্ষ্মীপরীবাহচলন্মীনাভলোচনা ॥ ৬ ॥
নবচম্পকপুষ্পাভনাসাদণ্ডবিরাজিতা । তারাকান্তিতিরস্কারিনাসাভরণভাসুরা ॥ ৭ ॥
কদম্বমঞ্জরীকৢপ্তকর্ণপূরমনোহরা । তাটঙ্কযুগলীভূততপনোডুপমণ্ডলা ॥ ৮ ॥
পদ্মরাগশিলাদর্শপরিভাবিকপোলভূঃ । নববিদ্রুমবিম্বশ্রীন্যক্কারিরদনচ্ছদা ॥ ৯ ॥
শুদ্ধবিদ্যাঙ্কুরাকারদ্বিজপঙ্ক্তিদ্বয়োজ্জ্বলা । কর্পূরবীটিকামোদসমাকর্ষিদিগন্তরা ॥ ১০ ॥
নিজসল্লাপমাধুর্যবিনির্ভর্ৎসিতকচ্ছপী । মন্দস্মিতপ্রভাপূরমজ্জৎকামেশমানসা ॥ ১১ ॥
অনাকলিতসাদৃশ্যচিবুকশ্রীবিরাজিতা । কামেশবদ্ধমাঙ্গল্যসূত্রশোভিতকন্ধরা ॥ ১২ ॥
কনকাঙ্গদকেয়ূরকমনীয়ভুজান্বিতা । রত্নগ্রৈবেয়চিন্তাকলোলমুক্তাফলান্বিতা ॥ ১৩ ॥
কামেশ্বরপ্রেমরত্নমণিপ্রতিপণস্তনী । নাভ্যালবালরোমালিলতাফলকুচদ্বয়ী ॥ ১৪ ॥
লক্ষ্যরোমলতাধারতাসমুন্নেয়মধ্যমা । স্তনভারদলন্মধ্যপট্টবন্ধবলিত্রয়া ॥ ১৫ ॥
অরুণারুণকৌসুম্ভবস্ত্রভাস্বৎকটীতটী । রত্নকিঙ্কিণিকারম্যরশনাদামভূষিতা ॥ ১৬ ॥
কামেশজ্ঞাতসৌভাগ্যমার্দবোরুদ্বয়ান্বিতা । মাণিক্যমুকুটাকারজানুদ্বয়বিরাজিতা ॥ ১৭ ॥
ইন্দ্রগোপপরিক্ষিপ্তস্মরতূণাভজঙ্ঘিকা । গূঢগুল্ফা কূর্মপৃষ্ঠজয়িষ্ণুপ্রপদান্বিতা ॥ ১৮ ॥
নখদীধিতিসঞ্ছন্ননমজ্জনতমোগুণা । পদদ্বয়প্রভাজালপরাকৃতসরোরুহা ॥ ১৯ ॥
সিঞ্জানমণিমঞ্জীরমণ্ডিতশ্রীপদাম্বুজা । মরালীমন্দগমনা মহালাবণ্যশেবধিঃ ॥ ২০ ॥
সর্বারুণাঽনবদ্যাঙ্গী সর্বাভরণভূষিতা । শিবকামেশ্বরাঙ্কস্থা শিবা স্বাধীনবল্লভা ॥ ২১ ॥
সুমেরুমধ্যশৃঙ্গস্থা শ্রীমন্নগরনায়িকা । চিন্তামণিগৃহান্তস্থা পঞ্চব্রহ্মাসনস্থিতা ॥ ২২ ॥
মহাপদ্মাটবীসংস্থা কদম্ববনবাসিনী । সুধাসাগরমধ্যস্থা কামাক্ষী কামদায়িনী ॥ ২৩ ॥
দেবর্ষিগণসঙ্ঘাতস্তূয়মানাত্মবৈভবা । ভণ্ডাসুরবধোদ্যুক্তশক্তিসেনাসমন্বিতা ॥ ২৪ ॥
সম্পৎকরীসমারূঢসিন্ধুরব্রজসেবিতা । অশ্বারূঢাধিষ্ঠিতাশ্বকোটিকোটিভিরাবৃতা ॥ ২৫ ॥
চক্ররাজরথারূঢসর্বায়ুধপরিষ্কৃতা । গেয়চক্ররথারূঢমন্ত্রিণীপরিসেবিতা ॥ ২৬ ॥
কিরিচক্ররথারূঢদণ্ডনাথাপুরস্কৃতা । জ্বালামালিনিকাক্ষিপ্তবহ্নিপ্রাকারমধ্যগা ॥ ২৭ ॥
ভণ্ডসৈন্যবধোদ্যুক্তশক্তিবিক্রমহর্ষিতা । নিত্যাপরাক্রমাটোপনিরীক্ষণসমুৎসুকা ॥ ২৮ ॥
ভণ্ডপুত্রবধোদ্যুক্তবালাবিক্রমনন্দিতা । মন্ত্রিণ্যম্বাবিরচিতবিষঙ্গবধতোষিতা ॥ ২৯ ॥
বিশুক্রপ্রাণহরণবারাহীবীর্যনন্দিতা । কামেশ্বরমুখালোককল্পিতশ্রীগণেশ্বরা ॥ ৩০ ॥
মহাগণেশনির্ভিন্নবিঘ্নযন্ত্রপ্রহর্ষিতা । ভণ্ডাসুরেন্দ্রনির্মুক্তশস্ত্রপ্রত্যস্ত্রবর্ষিণী ॥ ৩১ ॥
করাঙ্গুলিনখোৎপন্ননারায়ণদশাকৃতিঃ । মহাপাশুপতাস্ত্রাগ্নিনির্দগ্ধাসুরসৈনিকা ॥ ৩২ ॥
কামেশ্বরাস্ত্রনির্দগ্ধসভণ্ডাসুরশূন্যকা । ব্রহ্মোপেন্দ্রমহেন্দ্রাদিদেবসংস্তুতবৈভবা ॥ ৩৩ ॥
হরনেত্রাগ্নিসন্দগ্ধকামসঞ্জীবনৌষধিঃ । শ্রীমদ্বাগ্ভবকূটৈকস্বরূপমুখপঙ্কজা ॥ ৩৪ ॥
কণ্ঠাধঃকটিপর্যন্তমধ্যকূটস্বরূপিণী । শক্তিকূটৈকতাপন্নকট্যধোভাগধারিণী ॥ ৩৫ ॥
মূলমন্ত্রাত্মিকা মূলকূটত্রয়কলেবরা । কুলামৃতৈকরসিকা কুলসঙ্কেতপালিনী ॥ ৩৬ ॥
কুলাঙ্গনা কুলান্তস্থা কৌলিনী কুলযোগিনী । অকুলা সময়ান্তস্থা সময়াচারতৎপরা ॥ ৩৭ ॥
মূলাধারৈকনিলয়া ব্রহ্মগ্রন্থিবিভেদিনী । মণিপূরান্তরুদিতা বিষ্ণুগ্রন্থিবিভেদিনী ॥ ৩৮ ॥
আজ্ঞাচক্রান্তরালস্থা রুদ্রগ্রন্থিবিভেদিনী । সহস্রারাম্বুজারূঢা সুধাসারাভিবর্ষিণী ॥ ৩৯ ॥
তডিল্লতাসমরুচিঃ ষট্চক্রোপরিসংস্থিতা । মহাসক্তিঃ কুণ্ডলিনী বিসতন্তুতনীয়সী ॥ ৪০ ॥
ভবানী ভাবনাগম্যা ভবারণ্যকুঠারিকা । ভদ্রপ্রিয়া ভদ্রমূর্তির্ভক্তসৌভাগ্যদায়িনী ॥ ৪১ ॥
ভক্তিপ্রিয়া ভক্তিগম্যা ভক্তিবশ্যা ভয়াপহা । শাম্ভবী শারদারাধ্যা শর্বাণী শর্মদায়িনী ॥ ৪২ ॥
শাঙ্করী শ্রীকরী সাধ্বী শরচ্চন্দ্রনিভাননা । শাতোদরী শান্তিমতী নিরাধারা নিরঞ্জনা ॥ ৪৩ ॥
নির্লেপা নির্মলা নিত্যা নিরাকারা নিরাকুলা । নির্গুণা নিষ্কলা শান্তা নিষ্কামা নিরুপপ্লবা ॥ ৪৪ ॥
নিত্যমুক্তা নির্বিকারা নিষ্প্রপঞ্চা নিরাশ্রয়া । নিত্যশুদ্ধা নিত্যবুদ্ধা নিরবদ্যা নিরন্তরা ॥ ৪৫ ॥
নিষ্কারণা নিষ্কলঙ্কা নিরুপাধির্নিরীশ্বরা । নীরাগা রাগমথনী নির্মদা মদনাশিনী ॥ ৪৬ ॥
নিশ্চিন্তা নিরহঙ্কারা নির্মোহা মোহনাশিনী । নির্মমা মমতাহন্ত্রী নিষ্পাপা পাপনাশিনী ॥ ৪৭ ॥
নিষ্ক্রোধা ক্রোধশমনী নির্লোভা লোভনাশিনী । নিঃসংশয়া সংশয়ঘ্নী নির্ভবা ভবনাশিনী ॥ ৪৮ ॥
নির্বিকল্পা নিরাবাধা নির্ভেদা ভেদনাশিনী । নির্নাশা মৃত্যুমথনী নিষ্ক্রিয়া নিষ্পরিগ্রহা ॥ ৪৯ ॥
নিস্তুলা নীলচিকুরা নিরপায়া নিরত্যয়া । দুর্লভা দুর্গমা দুর্গা দুঃখহন্ত্রী সুখপ্রদা ॥ ৫০ ॥
দুষ্টদূরা দুরাচারশমনী দোষবর্জিতা । সর্বজ্ঞা সান্দ্রকরুণা সমানাধিকবর্জিতা ॥ ৫১ ॥
সর্বশক্তিময়ী সর্বমঙ্গলা সদ্গতিপ্রদা । সর্বেশ্বরী সর্বময়ী সর্বমন্ত্রস্বরূপিণী ॥ ৫২ ॥
সর্বযন্ত্রাত্মিকা সর্বতন্ত্ররূপা মনোন্মনী । মাহেশ্বরী মহাদেবী মহালক্ষ্মীর্মৃডপ্রিয়া ॥ ৫৩ ॥
মহারূপা মহাপূজ্যা মহাপাতকনাশিনী । মহামায়া মহাসত্ত্বা মহাশক্তির্মহারতিঃ ॥ ৫৪ ॥
মহাভোগা মহৈশ্বর্যা মহাবীর্যা মহাবলা । মহাবুদ্ধির্মহাসিদ্ধির্মহাযোগেশ্বরেশ্বরী ॥ ৫৫ ॥
মহাতন্ত্রা মহামন্ত্রা মহাযন্ত্রা মহাসনা । মহাযাগক্রমারাধ্যা মহাভৈরবপূজিতা ॥ ৫৬ ॥
মহেশ্বরমহাকল্পমহাতাণ্ডবসাক্ষিণী । মহাকামেশমহিষী মহাত্রিপুরসুন্দরী ॥ ৫৭ ॥
চতুঃষষ্ট্যুপচারাঢ্যা চতুঃষষ্টিকলাময়ী । মহাচতুঃষষ্টিকোটিযোগিনীগণসেবিতা ॥ ৫৮ ॥
মনুবিদ্যা চন্দ্রবিদ্যা চন্দ্রমণ্ডলমধ্যগা । চারুরূপা চারুহাসা চারুচন্দ্রকলাধরা ॥ ৫৯ ॥
চরাচরজগন্নাথা চক্ররাজনিকেতনা । পার্বতী পদ্মনয়না পদ্মরাগসমপ্রভা ॥ ৬০ ॥
পঞ্চপ্রেতাসনাসীনা পঞ্চব্রহ্মস্বরূপিণী । চিন্ময়ী পরমানন্দা বিজ্ঞানঘনরূপিণী ॥ ৬১ ॥
ধ্যানধ্যাতৃধ্যেয়রূপা ধর্মাধর্মবিবর্জিতা । বিশ্বরূপা জাগরিণী স্বপন্তী তৈজসাত্মিকা ॥ ৬২ ॥
সুপ্তা প্রাজ্ঞাত্মিকা তুর্যা সর্বাবস্থাবিবর্জিতা । সৃষ্টিকর্ত্রী ব্রহ্মরূপা গোপ্ত্রী গোবিন্দরূপিণী ॥ ৬৩ ॥
সংহারিণী রুদ্ররূপা তিরোধানকরীশ্বরী । সদাশিবাঽনুগ্রহদা পঞ্চকৃত্যপরায়ণা ॥ ৬৪ ॥
ভানুমণ্ডলমধ্যস্থা ভৈরবী ভগমালিনী । পদ্মাসনা ভগবতী পদ্মনাভসহোদরী ॥ ৬৫ ॥
উন্মেষনিমিষোৎপন্নবিপন্নভুবনাবলী । সহস্রশীর্ষবদনা সহস্রাক্ষী সহস্রপাৎ ॥ ৬৬ ॥
আব্রহ্মকীটজননী বর্ণাশ্রমবিধায়িনী । নিজাজ্ঞারূপনিগমা পুণ্যাপুণ্যফলপ্রদা ॥ ৬৭ ॥
শ্রুতিসীমন্তসিন্দূরীকৃতপাদাব্জধূলিকা । সকলাগমসন্দোহশুক্তিসম্পুটমৌক্তিকা ॥ ৬৮ ॥
পুরুষার্থপ্রদা পূর্ণা ভোগিনী ভুবনেশ্বরী । অম্বিকাঽনাদিনিধনা হরিব্রহ্মেন্দ্রসেবিতা ॥ ৬৯ ॥
নারায়ণী নাদরূপা নামরূপবিবর্জিতা । হ্রীঙ্কারী হ্রীমতী হৃদ্যা হেয়োপাদেয়বর্জিতা ॥ ৭০ ॥
রাজরাজার্চিতা রাজ্ঞী রম্যা রাজীবলোচনা । রঞ্জনী রমণী রস্যা রণৎকিঙ্কিণিমেখলা ॥ ৭১ ॥
রমা রাকেন্দুবদনা রতিরূপা রতিপ্রিয়া । রক্ষাকরী রাক্ষসঘ্নী রামা রমণলম্পটা ॥ ৭২ ॥
কাম্যা কামকলারূপা কদম্বকুসুমপ্রিয়া । কল্যাণী জগতীকন্দা করুণারসসাগরা ॥ ৭৩ ॥
কলাবতী কলালাপা কান্তা কাদম্বরীপ্রিয়া । বরদা বামনয়না বারুণীমদবিহ্বলা ॥ ৭৪ ॥
বিশ্বাধিকা বেদবেদ্যা বিন্ধ্যাচলনিবাসিনী । বিধাত্রী বেদজননী বিষ্ণুমায়া বিলাসিনী ॥ ৭৫ ॥
ক্ষেত্রস্বরূপা ক্ষেত্রেশী ক্ষেত্রক্ষেত্রজ্ঞপালিনী । ক্ষয়বৃদ্ধিবিনির্মুক্তা ক্ষেত্রপালসমর্চিতা ॥ ৭৬ ॥
বিজয়া বিমলা বন্দ্যা বন্দারুজনবৎসলা । বাগ্বাদিনী বামকেশী বহ্নিমণ্ডলবাসিনী ॥ ৭৭ ॥
ভক্তিমৎকল্পলতিকা পশুপাশবিমোচিনী । সংহৃতাশেষপাষণ্ডা সদাচারপ্রবর্তিকা ॥ ৭৮ ॥
তাপত্রয়াগ্নিসন্তপ্তসমাহ্লাদনচন্দ্রিকা । তরুণী তাপসারাধ্যা তনুমধ্যা তমোঽপহা ॥ ৭৯ ॥
চিতিস্তৎপদলক্ষ্যার্থা চিদেকরসরূপিণী । স্বাত্মানন্দলবীভূতব্রহ্মাদ্যানন্দসন্ততিঃ ॥ ৮০ ॥
পরা প্রত্যক্চিতীরূপা পশ্যন্তী পরদেবতা । মধ্যমা বৈখরীরূপা ভক্তমানসহংসিকা ॥ ৮১ ॥
কামেশ্বরপ্রাণনাডী কৃতজ্ঞা কামপূজিতা । শৃঙ্গাররসসম্পূর্ণা জয়া জালন্ধরস্থিতা ॥ ৮২ ॥
ওড্যাণপীঠনিলয়া বিন্দুমণ্ডলবাসিনী । রহোযাগক্রমারাধ্যা রহস্তর্পণতর্পিতা ॥ ৮৩ ॥
সদ্যঃপ্রসাদিনী বিশ্বসাক্ষিণী সাক্ষিবর্জিতা । ষডঙ্গদেবতাযুক্তা ষাড্গুণ্যপরিপূরিতা ॥ ৮৪ ॥
নিত্যক্লিন্না নিরুপমা নির্বাণসুখদায়িনী । নিত্যাষোডশিকারূপা শ্রীকণ্ঠার্ধশরীরিণী ॥ ৮৫ ॥
প্রভাবতী প্রভারূপা প্রসিদ্ধা পরমেশ্বরী । মূলপ্রকৃতিরব্যক্তা ব্যক্তাব্যক্তস্বরূপিণী ॥ ৮৬ ॥
ব্যাপিনী বিবিধাকারা বিদ্যাবিদ্যা-স্বরূপিণী । মহাকামেশনয়নকুমুদাহ্লাদকৌমুদী ॥ ৮৭ ॥
ভক্তহার্দতমোভেদভানুমদ্ভানুসন্ততিঃ । শিবদূতী শিবারাধ্যা শিবমূর্তিঃ শিবঙ্করী ॥ ৮৮ ॥
শিবপ্রিয়া শিবপরা শিষ্টেষ্টা শিষ্টপূজিতা । অপ্রমেয়া স্বপ্রকাশা মনোবাচামগোচরা ॥ ৮৯ ॥
চিচ্ছক্তিশ্ চেতনারূপা জডশক্তির্জডাত্মিকা । গায়ত্রী ব্যাহৃতিঃ সন্ধ্যা দ্বিজবৃন্দনিষেবিতা ॥ ৯০ ॥
তত্ত্বাসনা তৎত্বময়ী পঞ্চকোশান্তরস্থিতা । নিঃসীমমহিমা নিত্যযৌবনা মদশালিনী ॥ ৯১ ॥
মদঘূর্ণিতরক্তাক্ষী মদপাটলগণ্ডভূঃ । চন্দনদ্রবদিগ্ধাঙ্গী চাম্পেয়কুসুমপ্রিয়া ॥ ৯২ ॥
কুশলা কোমলাকারা কুরুকুল্লা কুলেশ্বরী । কুলকুণ্ডালয়া কৌলমার্গতৎপরসেবিতা ॥ ৯৩ ॥
কুমারগণনাথাম্বা তুষ্টিঃ পুষ্টির্মতির্ধৃতিঃ । শান্তিঃ স্বস্তিমতী কান্তির্নন্দিনী বিঘ্ননাশিনী ॥ ৯৪ ॥
তেজোবতী ত্রিনয়না লোলাক্ষীকামরূপিণী । মালিনী হংসিনী মাতা মলয়াচলবাসিনী ॥ ৯৫ ॥
সুমুখী নলিনী সুভ্রূঃ শোভনা সুরনায়িকা । কালকণ্ঠী কান্তিমতী ক্ষোভিণী সূক্ষ্মরূপিণী ॥ ৯৬ ॥
বজ্রেশ্বরী বামদেবী বয়োঽবস্থাবিবর্জিতা । সিদ্ধেশ্বরী সিদ্ধবিদ্যা সিদ্ধমাতা যশস্বিনী ॥ ৯৭ ॥
বিশুদ্ধিচক্রনিলয়াঽঽরক্তবর্ণা ত্রিলোচনা । খট্বাঙ্গাদিপ্রহরণা বদনৈকসমন্বিতা ॥ ৯৮ ॥
পায়সান্নপ্রিয়া ত্বক্স্থা পশুলোকভয়ঙ্করী । অমৃতাদিমহাশক্তিসংবৃতা ডাকিনীশ্বরী ॥ ৯৯ ॥
অনাহতাব্জনিলয়া শ্যামাভা বদনদ্বয়া । দংষ্ট্রোজ্জ্বলাঽক্ষমালাদিধরা রুধিরসংস্থিতা ॥ ১০০ ॥
কালরাত্র্যাদিশক্ত্যৌঘবৃতা স্নিগ্ধৌদনপ্রিয়া । মহাবীরেন্দ্রবরদা রাকিণ্যম্বাস্বরূপিণী ॥ ১০১ ॥
মণিপূরাব্জনিলয়া বদনত্রয়সংযুতা । বজ্রাদিকায়ুধোপেতা ডামর্যাদিভিরাবৃতা ॥ ১০২ ॥
রক্তবর্ণা মাংসনিষ্ঠা গুডান্নপ্রীতমানসা । সমস্তভক্তসুখদা লাকিন্যম্বাস্বরূপিণী ॥ ১০৩ ॥
স্বাধিষ্ঠানাম্বুজগতা চতুর্বক্ত্রমনোহরা । শূলাদ্যায়ুধসম্পন্না পীতবর্ণাঽতিগর্বিতা ॥ ১০৪ ॥
মেদোনিষ্ঠা মধুপ্রীতা বন্ধিন্যাদিসমন্বিতা । দধ্যন্নাসক্তহৃদয়া কাকিনীরূপধারিণী ॥ ১০৫ ॥
মূলাধারাম্বুজারূঢা পঞ্চবক্ত্রাঽস্থিসংস্থিতা । অঙ্কুশাদিপ্রহরণা বরদাদিনিষেবিতা ॥ ১০৬ ॥
মুদ্গৌদনাসক্তচিত্তা সাকিন্যম্বাস্বরূপিণী । আজ্ঞাচক্রাব্জনিলয়া শুক্লবর্ণা ষডাননা ॥ ১০৭ ॥
মজ্জাসংস্থা হংসবতীমুখ্যশক্তিসমন্বিতা । হরিদ্রান্নৈকরসিকা হাকিনীরূপধারিণী ॥ ১০৮ ॥
সহস্রদলপদ্মস্থা সর্ববর্ণোপশোভিতা । সর্বায়ুধধরা শুক্লসংস্থিতা সর্বতোমুখী ॥ ১০৯ ॥
সর্বৌদনপ্রীতচিত্তা যাকিন্যম্বাস্বরূপিণী । স্বাহা স্বধাঽমতির্মেধা শ্রুতিঃ স্মৃতিরনুত্তমা ॥ ১১০ ॥
পুণ্যকীর্তিঃ পুণ্যলভ্যা পুণ্যশ্রবণকীর্তনা । পুলোমজার্চিতা বন্ধমোচনী বন্ধুরালকা ॥ ১১১ ॥
বিমর্শরূপিণী বিদ্যা বিয়দাদিজগৎপ্রসূঃ । সর্বব্যাধিপ্রশমনী সর্বমৃত্যুনিবারিণী ॥ ১১২ ॥
অগ্রগণ্যাঽচিন্ত্যরূপা কলিকল্মষনাশিনী । কাত্যায়নী কালহন্ত্রী কমলাক্ষনিষেবিতা ॥ ১১৩ ॥
তাম্বূলপূরিতমুখী দাডিমীকুসুমপ্রভা । মৃগাক্ষী মোহিনী মুখ্যা মৃডানী মিত্ররূপিণী ॥ ১১৪ ॥
নিত্যতৃপ্তা ভক্তনিধির্নিয়ন্ত্রী নিখিলেশ্বরী । মৈত্র্যাদিবাসনালভ্যা মহাপ্রলয়সাক্ষিণী ॥ ১১৫ ॥
পরা শক্তিঃ পরা নিষ্ঠা প্রজ্ঞানঘনরূপিণী । মাধ্বীপানালসা মত্তা মাতৃকাবর্ণরূপিণী ॥ ১১৬ ॥
মহাকৈলাসনিলয়া মৃণালমৃদুদোর্লতা । মহনীয়া দয়ামূর্তির্মহাসাম্রাজ্যশালিনী ॥ ১১৭ ॥
আত্মবিদ্যা মহাবিদ্যা শ্রীবিদ্যা কামসেবিতা । শ্রীষোডশাক্ষরীবিদ্যা ত্রিকূটা কামকোটিকা ॥ ১১৮ ॥
কটাক্ষকিঙ্করীভূতকমলাকোটিসেবিতা । শিরঃস্থিতা চন্দ্রনিভা ভালস্থেন্দ্রধনুঃপ্রভা ॥ ১১৯ ॥
হৃদয়স্থা রবিপ্রখ্যা ত্রিকোণান্তরদীপিকা । দাক্ষায়ণী দৈত্যহন্ত্রী দক্ষযজ্ঞবিনাশিনী ॥ ১২০ ॥
দরান্দোলিতদীর্ঘাক্ষী দরহাসোজ্জ্বলন্মুখী । গুরুমূর্তির্গুণনিধির্গোমাতা গুহজন্মভূঃ ॥ ১২১ ॥
দেবেশী দণ্ডনীতিস্থা দহরাকাশরূপিণী । প্রতিপন্মুখ্যরাকান্ততিথিমণ্ডলপূজিতা ॥ ১২২ ॥
কলাত্মিকা কলানাথা কাব্যালাপবিনোদিনী । সচামররমাবাণীসব্যদক্ষিণসেবিতা ॥ ১২৩ ॥
আদিশক্তিরমেয়াঽঽত্মা পরমা পাবনাকৃতিঃ । অনেককোটিব্রহ্মাণ্ডজননী দিব্যবিগ্রহা ॥ ১২৪ ॥
ক্লীঙ্কারী কেবলা গুহ্যা কৈবল্যপদদায়িনী । ত্রিপুরা ত্রিজগদ্বন্দ্যা ত্রিমূর্তিস্ত্রিদশেশ্বরী ॥ ১২৫ ॥
ত্র্যক্ষরী দিব্যগন্ধাঢ্যা সিন্দূরতিলকাঞ্চিতা । উমা শৈলেন্দ্রতনয়া গৌরী গন্ধর্বসেবিতা ॥ ১২৬ ॥
বিশ্বগর্ভা স্বর্ণগর্ভাঽবরদা বাগধীশ্বরী । ধ্যানগম্যাঽপরিচ্ছেদ্যা জ্ঞানদা জ্ঞানবিগ্রহা ॥ ১২৭ ॥
সর্ববেদান্তসংবেদ্যা সত্যানন্দস্বরূপিণী । লোপামুদ্রার্চিতা লীলাকৢপ্তব্রহ্মাণ্ডমণ্ডলা ॥ ১২৮ ॥
অদৃশ্যা দৃশ্যরহিতা বিজ্ঞাত্রী বেদ্যবর্জিতা । যোগিনী যোগদা যোগ্যা যোগানন্দা যুগন্ধরা ॥ ১২৯ ॥
ইচ্ছাশক্তিজ্ঞানশক্তিক্রিয়াশক্তিস্বরূপিণী । সর্বাধারা সুপ্রতিষ্ঠা সদসদ্রূপধারিণী ॥ ১৩০ ॥
অষ্টমূর্তিরজাজৈত্রী লোকযাত্রাবিধায়িনী । একাকিনী ভূমরূপা নির্দ্বৈতা দ্বৈতবর্জিতা ॥ ১৩১ ॥
অন্নদা বসুদা বৃদ্ধা ব্রহ্মাত্মৈক্যস্বরূপিণী । বৃহতী ব্রাহ্মণী ব্রাহ্মী ব্রহ্মানন্দা বলিপ্রিয়া ॥ ১৩২ ॥
ভাষারূপা বৃহৎসেনা ভাবাভাববিবর্জিতা । সুখারাধ্যা শুভকরী শোভনা সুলভা গতিঃ ॥ ১৩৩ ॥
রাজরাজেশ্বরী রাজ্যদায়িনী রাজ্যবল্লভা । রাজৎকৃপা রাজপীঠনিবেশিতনিজাশ্রিতা ॥ ১৩৪ ॥
রাজ্যলক্ষ্মীঃ কোশনাথা চতুরঙ্গবলেশ্বরী । সাম্রাজ্যদায়িনী সত্যসন্ধা সাগরমেখলা ॥ ১৩৫ ॥
দীক্ষিতা দৈত্যশমনী সর্বলোকবশঙ্করী । সর্বার্থদাত্রী সাবিত্রী সচ্চিদানন্দরূপিণী ॥ ১৩৬ ॥
দেশকালাপরিচ্ছিন্না সর্বগা সর্বমোহিনী । সরস্বতী শাস্ত্রময়ী গুহাম্বা গুহ্যরূপিণী ॥ ১৩৭ ॥
সর্বোপাধিবিনির্মুক্তা সদাশিবপতিব্রতা । সম্প্রদায়েশ্বরী সাধ্বী গুরুমণ্ডলরূপিণী ॥ ১৩৮ ॥
কুলোত্তীর্ণা ভগারাধ্যা মায়া মধুমতী মহী । গণাম্বা গুহ্যকারাধ্যা কোমলাঙ্গী গুরুপ্রিয়া ॥ ১৩৯ ॥
স্বতন্ত্রা সর্বতন্ত্রেশী দক্ষিণামূর্তিরূপিণী । সনকাদিসমারাধ্যা শিবজ্ঞানপ্রদায়িনী ॥ ১৪০ ॥
চিৎকলাঽঽনন্দকলিকা প্রেমরূপা প্রিয়ঙ্করী । নামপারায়ণপ্রীতা নন্দিবিদ্যা নটেশ্বরী ॥ ১৪১ ॥
মিথ্যাজগদধিষ্ঠানা মুক্তিদা মুক্তিরূপিণী । লাস্যপ্রিয়া লয়করী লজ্জা রম্ভাদিবন্দিতা ॥ ১৪২ ॥
ভবদাবসুধাবৃষ্টিঃ পাপারণ্যদবানলা । দৌর্ভাগ্যতূলবাতূলা জরাধ্বান্তরবিপ্রভা ॥ ১৪৩ ॥
ভাগ্যাব্ধিচন্দ্রিকা ভক্তচিত্তকেকিঘনাঘনা । রোগপর্বতদম্ভোলির্মৃত্যুদারুকুঠারিকা ॥ ১৪৪ ॥
মহেশ্বরী মহাকালী মহাগ্রাসা মহাশনা । অপর্ণা চণ্ডিকা চণ্ডমুণ্ডাসুরনিষূদিনী ॥ ১৪৫ ॥
ক্ষরাক্ষরাত্মিকা সর্বলোকেশী বিশ্বধারিণী । ত্রিবর্গদাত্রী সুভগা ত্র্যম্বকা ত্রিগুণাত্মিকা ॥ ১৪৬ ॥
স্বর্গাপবর্গদা শুদ্ধা জপাপুষ্পনিভাকৃতিঃ । ওজোবতী দ্যুতিধরা যজ্ঞরূপা প্রিয়ব্রতা ॥ ১৪৭ ॥
দুরারাধ্যা দুরাধর্ষা পাটলীকুসুমপ্রিয়া । মহতী মেরুনিলয়া মন্দারকুসুমপ্রিয়া ॥ ১৪৮ ॥
বীরারাধ্যা বিরাড্রূপা বিরজা বিশ্বতোমুখী । প্রত্যগ্রূপা পরাকাশা প্রাণদা প্রাণরূপিণী ॥ ১৪৯ ॥
মার্তাণ্ডভৈরবারাধ্যা মন্ত্রিণীন্যস্তরাজ্যধূঃ । ত্রিপুরেশী জয়ৎসেনা নিস্ত্রৈগুণ্যা পরাপরা ॥ ১৫০ ॥
সত্যজ্ঞানানন্দরূপা সামরস্যপরায়ণা । কপর্দিনী কলামালা কামধুক্ কামরূপিণী ॥ ১৫১ ॥
কলানিধিঃ কাব্যকলা রসজ্ঞা রসশেবধিঃ । পুষ্টা পুরাতনা পূজ্যা পুষ্করা পুষ্করেক্ষণা ॥ ১৫২ ॥
পরঞ্জ্যোতিঃ পরন্ধাম পরমাণুঃ পরাৎপরা । পাশহস্তা পাশহন্ত্রী পরমন্ত্রবিভেদিনী ॥ ১৫৩ ॥
মূর্তাঽমূর্তাঽনিত্যতৃপ্তা মুনিমানসহংসিকা । সত্যব্রতা সত্যরূপা সর্বান্তর্যামিনী সতী ॥ ১৫৪ ॥
ব্রহ্মাণী ব্রহ্মজননী বহুরূপা বুধার্চিতা । প্রসবিত্রী প্রচণ্ডাঽঽজ্ঞা প্রতিষ্ঠা প্রকটাকৃতিঃ ॥ ১৫৫ ॥
প্রাণেশ্বরী প্রাণদাত্রী পঞ্চাশৎপীঠরূপিণী । বিশৃঙ্খলা বিবিক্তস্থা বীরমাতা বিয়ৎপ্রসূঃ ॥ ১৫৬ ॥
মুকুন্দা মুক্তিনিলয়া মূলবিগ্রহরূপিণী । ভাবজ্ঞা ভবরোগঘ্নী ভবচক্রপ্রবর্তিনী ॥ ১৫৭ ॥
ছন্দঃসারা শাস্ত্রসারা মন্ত্রসারা তলোদরী । উদারকীর্তিরুদ্দামবৈভবা বর্ণরূপিণী ॥ ১৫৮ ॥
জন্মমৃত্যুজরাতপ্তজনবিশ্রান্তিদায়িনী । সর্বোপনিষদুদ্ঘুষ্টা শান্ত্যতীতকলাত্মিকা ॥ ১৫৯ ॥
গম্ভীরা গগনান্তস্থা গর্বিতা গানলোলুপা । কল্পনারহিতা কাষ্ঠাঽকান্তা কান্তার্ধবিগ্রহা ॥ ১৬০ ॥
কার্যকারণনির্মুক্তা কামকেলিতরঙ্গিতা । কনৎকনকতাটঙ্কা লীলাবিগ্রহধারিণী ॥ ১৬১ ॥
অজা ক্ষয়বিনির্মুক্তা মুগ্ধা ক্ষিপ্রপ্রসাদিনী । অন্তর্মুখসমারাধ্যা বহির্মুখসুদুর্লভা ॥ ১৬২ ॥
ত্রয়ী ত্রিবর্গনিলয়া ত্রিস্থা ত্রিপুরমালিনী । নিরাময়া নিরালম্বা স্বাত্মারামা সুধাসৃতিঃ ॥ ১৬৩ ॥
সংসারপঙ্কনির্মগ্নসমুদ্ধরণপণ্ডিতা । যজ্ঞপ্রিয়া যজ্ঞকর্ত্রী যজমানস্বরূপিণী ॥ ১৬৪ ॥
ধর্মাধারা ধনাধ্যক্ষা ধনধান্যবিবর্ধিনী । বিপ্রপ্রিয়া বিপ্ররূপা বিশ্বভ্রমণকারিণী ॥ ১৬৫ ॥
বিশ্বগ্রাসা বিদ্রুমাভা বৈষ্ণবী বিষ্ণুরূপিণী । অয়োনির্যোনিনিলয়া কূটস্থা কুলরূপিণী ॥ ১৬৬ ॥
বীরগোষ্ঠীপ্রিয়া বীরা নৈষ্কর্ম্যা নাদরূপিণী । বিজ্ঞানকলনা কল্যা বিদগ্ধা বৈন্দবাসনা ॥ ১৬৭ ॥
তত্ত্বাধিকা তত্ত্বময়ী তৎত্বমর্থস্বরূপিণী । সামগানপ্রিয়া সৌম্যা সদাশিবকুটুম্বিনী ॥ ১৬৮ ॥
সব্যাপসব্যমার্গস্থা সর্বাপদ্বিনিবারিণী । স্বস্থা স্বভাবমধুরা ধীরা ধীরসমর্চিতা ॥ ১৬৯ ॥
চৈতন্যার্ঘ্যসমারাধ্যা চৈতন্যকুসুমপ্রিয়া । সদোদিতা সদাতুষ্টা তরুণাদিত্যপাটলা ॥ ১৭০ ॥
দক্ষিণাদক্ষিণারাধ্যা দরস্মেরমুখাম্বুজা । কৌলিনীকেবলাঽনর্ঘ্যকৈবল্যপদদায়িনী ॥ ১৭১ ॥
স্তোত্রপ্রিয়া স্তুতিমতী শ্রুতিসংস্তুতবৈভবা । মনস্বিনী মানবতী মহেশী মঙ্গলাকৃতিঃ ॥ ১৭২ ॥
বিশ্বমাতা জগদ্ধাত্রী বিশালাক্ষী বিরাগিণী । প্রগল্ভা পরমোদারা পরামোদা মনোময়ী ॥ ১৭৩ ॥
ব্যোমকেশী বিমানস্থা বজ্রিণী বামকেশ্বরী । পঞ্চযজ্ঞপ্রিয়া পঞ্চপ্রেতমঞ্চাধিশায়িনী ॥ ১৭৪ ॥
পঞ্চমী পঞ্চভূতেশী পঞ্চসঙ্খ্যোপচারিণী । শাশ্বতী শাশ্বতৈশ্বর্যা শর্মদা শম্ভুমোহিনী ॥ ১৭৫ ॥
ধরাধরসুতা ধন্যা ধর্মিণী ধর্মবর্ধিনী । লোকাতীতা গুণাতীতা সর্বাতীতা শমাত্মিকা ॥ ১৭৬ ॥
বন্ধূককুসুমপ্রখ্যা বালা লীলাবিনোদিনী । সুমঙ্গলী সুখকরী সুবেষাঢ্যা সুবাসিনী ॥ ১৭৭ ॥
সুবাসিন্যর্চনপ্রীতাঽঽশোভনা শুদ্ধমানসা । বিন্দুতর্পণসন্তুষ্টা পূর্বজা ত্রিপুরাম্বিকা ॥ ১৭৮ ॥
দশমুদ্রাসমারাধ্যা ত্রিপুরাশ্রীবশঙ্করী । জ্ঞানমুদ্রা জ্ঞানগম্যা জ্ঞানজ্ঞেয়স্বরূপিণী ॥ ১৭৯ ॥
যোনিমুদ্রা ত্রিখণ্ডেশী ত্রিগুণাম্বা ত্রিকোণগা । অনঘাঽদ্ভুতচারিত্রা বাঞ্ছিতার্থপ্রদায়িনী ॥ ১৮০ ॥
অভ্যাসাতিশয়জ্ঞাতা ষডধ্বাতীতরূপিণী । অব্যাজকরুণামূর্তিরজ্ঞানধ্বান্তদীপিকা ॥ ১৮১ ॥
আবালগোপবিদিতা সর্বানুল্লঙ্ঘ্যশাসনা । শ্রীচক্ররাজনিলয়া শ্রীমৎত্রিপুরসুন্দরী । শ্রীশিবা শিবশক্ত্যৈক্যরূপিণী ললিতাম্বিকা । এবং শ্রীললিতা দেব্যা নাম্নাং সাহস্রকং জগুঃ ॥ ১৮২ ॥