Pāṭha · the full text
ଶ୍ରୀ ଲଲିତା ସହସ୍ରନାମ ସ୍ତୋତ୍ରମ୍The Lalitā Sahasranāma in Odia
The whole stotra as it is chanted: the dhyāna verses first, then all 182 shlokas in order. Tap any verse number to hear it chanted, read it word by word, and see what each of its names means.
Odia writes b and v with the same letter, ବ, except after a consonant, so check the IAST or the audio for which is meant.
Dhyānam
ସିନ୍ଦୂରାରୁଣ ବିଗ୍ରହାଂ ତ୍ରିନୟନାଂ ମାଣିକ୍ୟମୌଲି ସ୍ଫୁରତ୍ ତାରା ନାୟକ ଶେଖରାଂ ସ୍ମିତମୁଖୀମାପୀନବକ୍ଷୋରୁହାମ୍ ପାଣିଭ୍ୟାମଲିପୂର୍ଣରତ୍ନଚଷକଂ ରକ୍ତୋତ୍ପଲଂ ବିଭ୍ରତୀଂ ସୌମ୍ୟାଂ ରତ୍ନ ଘଟସ୍ଥ ରକ୍ତଚରଣାଂ ଧ୍ୟାୟେତ୍ ପରାମମ୍ବିକାମ୍ ଅରୁଣାଂ କରୁଣାତରଙ୍ଗିତାକ୍ଷୀଂ ଧୃତପାଶାଙ୍କୁଶପୁଷ୍ପବାଣଚାପାମ୍ ଅଣିମାଦିଭିରାବୃତାଂ ମୟୂଖୈରହମିତ୍ୟେବ ବିଭାବୟେ ଭବାନୀମ୍ ଧ୍ୟାୟେତ୍ ପଦ୍ମାସନସ୍ଥାଂ ବିକସିତବଦନାଂ ପଦ୍ମପତ୍ରାୟତାକ୍ଷୀଂ ହେମାଭାଂ ପୀତବସ୍ତ୍ରାଂ କରକଲିତଲସଦ୍ଧେମପଦ୍ମାଂ ବରାଙ୍ଗୀମ୍ ସର୍ୱାଲଙ୍କାରଯୁକ୍ତାଂ ସତତ ମଭୟଦାଂ ଭକ୍ତନମ୍ରାଂ ଭବାନୀଂ ଶ୍ରୀବିଦ୍ୟାଂ ଶାନ୍ତମୂର୍ତିଂ ସକଲସୁରନୁତାଂ ସର୍ୱ ସମ୍ପତ୍ପ୍ରଦାତ୍ରୀମ୍ ସକୁଙ୍କୁମବିଲେପନାମଲିକଚୁମ୍ବିକସ୍ତୂରିକାଂ ସମନ୍ଦହସିତେକ୍ଷଣାଂ ସଶରଚାପପାଶାଙ୍କୁଶାମ୍ ଅଶେଷଜନମୋହିନୀଂ ଅରୁଣମାଲ୍ୟଭୂଷାମ୍ବରାଂ ଜପାକୁସୁମଭାସୁରାଂ ଜପବିଧୌ ସ୍ମରାମ୍ୟମ୍ବିକାମ୍
ଶ୍ରୀମାତା ଶ୍ରୀମହାରାଜ୍ଞୀ ଶ୍ରୀମତ୍ସିଂହାସନେଶ୍ୱରୀ । ଚିଦଗ୍ନିକୁଣ୍ଡସମ୍ଭୂତା ଦେବକାର୍ଯ୍ୟସମୁଦ୍ୟତା ॥ ୧ ॥
ଉଦ୍ୟଦ୍ଭାନୁସହସ୍ରାଭା ଚତୁର୍ବାହୁସମନ୍ୱିତା । ରାଗସ୍ୱରୂପପାଶାଢ୍ୟା କ୍ରୋଧାକାରାଙ୍କୁଶୋଜ୍ଜ୍ୱଲା ॥ ୨ ॥
ମନୋରୂପେକ୍ଷୁକୋଦଣ୍ଡା ପଞ୍ଚତନ୍ମାତ୍ରସାୟକା । ନିଜାରୁଣପ୍ରଭାପୂରମଜ୍ଜଦ୍ବ୍ରହ୍ମାଣ୍ଡମଣ୍ଡଲା ॥ ୩ ॥
ଚମ୍ପକାଶୋକପୁନ୍ନାଗସୌଗନ୍ଧିକଲସତ୍କଚା । କୁରୁବିନ୍ଦମଣିଶ୍ରେଣୀକନତ୍କୋଟୀରମଣ୍ଡିତା ॥ ୪ ॥
ଅଷ୍ଟମୀଚନ୍ଦ୍ରବିଭ୍ରାଜଦଲିକସ୍ଥଲଶୋଭିତା । ମୁଖଚନ୍ଦ୍ରକଲଙ୍କାଭମୃଗନାଭିବିଶେଷକା ॥ ୫ ॥
ବଦନସ୍ମରମାଙ୍ଗଲ୍ୟଗୃହତୋରଣଚିଲ୍ଲିକା । ବକ୍ତ୍ରଲକ୍ଷ୍ମୀପରୀବାହଚଲନ୍ମୀନାଭଲୋଚନା ॥ ୬ ॥
ନବଚମ୍ପକପୁଷ୍ପାଭନାସାଦଣ୍ଡବିରାଜିତା । ତାରାକାନ୍ତିତିରସ୍କାରିନାସାଭରଣଭାସୁରା ॥ ୭ ॥
କଦମ୍ବମଞ୍ଜରୀକୢପ୍ତକର୍ଣପୂରମନୋହରା । ତାଟଙ୍କଯୁଗଲୀଭୂତତପନୋଡୁପମଣ୍ଡଲା ॥ ୮ ॥
ପଦ୍ମରାଗଶିଲାଦର୍ଶପରିଭାବିକପୋଲଭୂଃ । ନବବିଦ୍ରୁମବିମ୍ବଶ୍ରୀନ୍ୟକ୍କାରିରଦନଚ୍ଛଦା ॥ ୯ ॥
ଶୁଦ୍ଧବିଦ୍ୟାଙ୍କୁରାକାରଦ୍ୱିଜପଙ୍କ୍ତିଦ୍ୱଯୋଜ୍ଜ୍ୱଲା । କର୍ପୂରବୀଟିକାମୋଦସମାକର୍ଷିଦିଗନ୍ତରା ॥ ୧୦ ॥
ନିଜସଲ୍ଲାପମାଧୁର୍ଯ୍ୟବିନିର୍ଭର୍ତ୍ସିତକଚ୍ଛପୀ । ମନ୍ଦସ୍ମିତପ୍ରଭାପୂରମଜ୍ଜତ୍କାମେଶମାନସା ॥ ୧୧ ॥
ଅନାକଲିତସାଦୃଶ୍ୟଚିବୁକଶ୍ରୀବିରାଜିତା । କାମେଶବଦ୍ଧମାଙ୍ଗଲ୍ୟସୂତ୍ରଶୋଭିତକନ୍ଧରା ॥ ୧୨ ॥
କନକାଙ୍ଗଦକେୟୂରକମନୀୟଭୁଜାନ୍ୱିତା । ରତ୍ନଗ୍ରୈବେୟଚିନ୍ତାକଲୋଲମୁକ୍ତାଫଲାନ୍ୱିତା ॥ ୧୩ ॥
କାମେଶ୍ୱରପ୍ରେମରତ୍ନମଣିପ୍ରତିପଣସ୍ତନୀ । ନାଭ୍ୟାଲବାଲରୋମାଲିଲତାଫଲକୁଚଦ୍ୱଯୀ ॥ ୧୪ ॥
ଲକ୍ଷ୍ୟରୋମଲତାଧାରତାସମୁନ୍ନେୟମଧ୍ୟମା । ସ୍ତନଭାରଦଲନ୍ମଧ୍ୟପଟ୍ଟବନ୍ଧବଲିତ୍ରୟା ॥ ୧୫ ॥
ଅରୁଣାରୁଣକୌସୁମ୍ଭବସ୍ତ୍ରଭାସ୍ୱତ୍କଟୀତଟୀ । ରତ୍ନକିଙ୍କିଣିକାରମ୍ୟରଶନାଦାମଭୂଷିତା ॥ ୧୬ ॥
କାମେଶଜ୍ଞାତସୌଭାଗ୍ୟମାର୍ଦବୋରୁଦ୍ୱଯାନ୍ୱିତା । ମାଣିକ୍ୟମୁକୁଟାକାରଜାନୁଦ୍ୱଯବିରାଜିତା ॥ ୧୭ ॥
ଇନ୍ଦ୍ରଗୋପପରିକ୍ଷିପ୍ତସ୍ମରତୂଣାଭଜଙ୍ଘିକା । ଗୂଢଗୁଲ୍ଫା କୂର୍ମପୃଷ୍ଠଜୟିଷ୍ଣୁପ୍ରପଦାନ୍ୱିତା ॥ ୧୮ ॥
ନଖଦୀଧିତିସଞ୍ଛନ୍ନନମଜ୍ଜନତମୋଗୁଣା । ପଦଦ୍ୱଯପ୍ରଭାଜାଲପରାକୃତସରୋରୁହା ॥ ୧୯ ॥
ସିଞ୍ଜାନମଣିମଞ୍ଜୀରମଣ୍ଡିତଶ୍ରୀପଦାମ୍ବୁଜା । ମରାଲୀମନ୍ଦଗମନା ମହାଲାବଣ୍ୟଶେବଧିଃ ॥ ୨୦ ॥
ସର୍ୱାରୁଣାଽନବଦ୍ୟାଙ୍ଗୀ ସର୍ୱାଭରଣଭୂଷିତା । ଶିବକାମେଶ୍ୱରାଙ୍କସ୍ଥା ଶିବା ସ୍ୱାଧୀନବଲ୍ଲଭା ॥ ୨୧ ॥
ସୁମେରୁମଧ୍ୟଶୃଙ୍ଗସ୍ଥା ଶ୍ରୀମନ୍ନଗରନାୟିକା । ଚିନ୍ତାମଣିଗୃହାନ୍ତସ୍ଥା ପଞ୍ଚବ୍ରହ୍ମାସନସ୍ଥିତା ॥ ୨୨ ॥
ମହାପଦ୍ମାଟବୀସଂସ୍ଥା କଦମ୍ବବନବାସିନୀ । ସୁଧାସାଗରମଧ୍ୟସ୍ଥା କାମାକ୍ଷୀ କାମଦାୟିନୀ ॥ ୨୩ ॥
ଦେବର୍ଷିଗଣସଙ୍ଘାତସ୍ତୂୟମାନାତ୍ମବୈଭବା । ଭଣ୍ଡାସୁରବଧୋଦ୍ୟୁକ୍ତଶକ୍ତିସେନାସମନ୍ୱିତା ॥ ୨୪ ॥
ସମ୍ପତ୍କରୀସମାରୂଢସିନ୍ଧୁରବ୍ରଜସେବିତା । ଅଶ୍ୱାରୂଢାଧିଷ୍ଠିତାଶ୍ୱକୋଟିକୋଟିଭିରାବୃତା ॥ ୨୫ ॥
ଚକ୍ରରାଜରଥାରୂଢସର୍ୱାୟୁଧପରିଷ୍କୃତା । ଗେୟଚକ୍ରରଥାରୂଢମନ୍ତ୍ରିଣୀପରିସେବିତା ॥ ୨୬ ॥
କିରିଚକ୍ରରଥାରୂଢଦଣ୍ଡନାଥାପୁରସ୍କୃତା । ଜ୍ୱାଲାମାଲିନିକାକ୍ଷିପ୍ତବହ୍ନିପ୍ରାକାରମଧ୍ୟଗା ॥ ୨୭ ॥
ଭଣ୍ଡସୈନ୍ୟବଧୋଦ୍ୟୁକ୍ତଶକ୍ତିବିକ୍ରମହର୍ଷିତା । ନିତ୍ୟାପରାକ୍ରମାଟୋପନିରୀକ୍ଷଣସମୁତ୍ସୁକା ॥ ୨୮ ॥
ଭଣ୍ଡପୁତ୍ରବଧୋଦ୍ୟୁକ୍ତବାଲାବିକ୍ରମନନ୍ଦିତା । ମନ୍ତ୍ରିଣ୍ୟମ୍ବାବିରଚିତବିଷଙ୍ଗବଧତୋଷିତା ॥ ୨୯ ॥
ବିଶୁକ୍ରପ୍ରାଣହରଣବାରାହୀବୀର୍ଯ୍ୟନନ୍ଦିତା । କାମେଶ୍ୱରମୁଖାଲୋକକଲ୍ପିତଶ୍ରୀଗଣେଶ୍ୱରା ॥ ୩୦ ॥
ମହାଗଣେଶନିର୍ଭିନ୍ନବିଘ୍ନଯନ୍ତ୍ରପ୍ରହର୍ଷିତା । ଭଣ୍ଡାସୁରେନ୍ଦ୍ରନିର୍ମୁକ୍ତଶସ୍ତ୍ରପ୍ରତ୍ୟସ୍ତ୍ରବର୍ଷିଣୀ ॥ ୩୧ ॥
କରାଙ୍ଗୁଲିନଖୋତ୍ପନ୍ନନାରାୟଣଦଶାକୃତିଃ । ମହାପାଶୁପତାସ୍ତ୍ରାଗ୍ନିନିର୍ଦଗ୍ଧାସୁରସୈନିକା ॥ ୩୨ ॥
କାମେଶ୍ୱରାସ୍ତ୍ରନିର୍ଦଗ୍ଧସଭଣ୍ଡାସୁରଶୂନ୍ୟକା । ବ୍ରହ୍ମୋପେନ୍ଦ୍ରମହେନ୍ଦ୍ରାଦିଦେବସଂସ୍ତୁତବୈଭବା ॥ ୩୩ ॥
ହରନେତ୍ରାଗ୍ନିସନ୍ଦଗ୍ଧକାମସଞ୍ଜୀବନୌଷଧିଃ । ଶ୍ରୀମଦ୍ବାଗ୍ଭବକୂଟୈକସ୍ୱରୂପମୁଖପଙ୍କଜା ॥ ୩୪ ॥
କଣ୍ଠାଧଃକଟିପର୍ଯ୍ୟନ୍ତମଧ୍ୟକୂଟସ୍ୱରୂପିଣୀ । ଶକ୍ତିକୂଟୈକତାପନ୍ନକଟ୍ୟଧୋଭାଗଧାରିଣୀ ॥ ୩୫ ॥
ମୂଲମନ୍ତ୍ରାତ୍ମିକା ମୂଲକୂଟତ୍ରୟକଲେବରା । କୁଲାମୃତୈକରସିକା କୁଲସଙ୍କେତପାଲିନୀ ॥ ୩୬ ॥
କୁଲାଙ୍ଗନା କୁଲାନ୍ତସ୍ଥା କୌଲିନୀ କୁଲଯୋଗିନୀ । ଅକୁଲା ସମୟାନ୍ତସ୍ଥା ସମୟାଚାରତତ୍ପରା ॥ ୩୭ ॥
ମୂଲାଧାରୈକନିଲୟା ବ୍ରହ୍ମଗ୍ରନ୍ଥିବିଭେଦିନୀ । ମଣିପୂରାନ୍ତରୁଦିତା ବିଷ୍ଣୁଗ୍ରନ୍ଥିବିଭେଦିନୀ ॥ ୩୮ ॥
ଆଜ୍ଞାଚକ୍ରାନ୍ତରାଲସ୍ଥା ରୁଦ୍ରଗ୍ରନ୍ଥିବିଭେଦିନୀ । ସହସ୍ରାରାମ୍ବୁଜାରୂଢା ସୁଧାସାରାଭିବର୍ଷିଣୀ ॥ ୩୯ ॥
ତଡିଲ୍ଲତାସମରୁଚିଃ ଷଟ୍ଚକ୍ରୋପରିସଂସ୍ଥିତା । ମହାସକ୍ତିଃ କୁଣ୍ଡଲିନୀ ବିସତନ୍ତୁତନୀୟସୀ ॥ ୪୦ ॥
ଭବାନୀ ଭାବନାଗମ୍ୟା ଭବାରଣ୍ୟକୁଠାରିକା । ଭଦ୍ରପ୍ରିୟା ଭଦ୍ରମୂର୍ତିର୍ଭକ୍ତସୌଭାଗ୍ୟଦାୟିନୀ ॥ ୪୧ ॥
ଭକ୍ତିପ୍ରିୟା ଭକ୍ତିଗମ୍ୟା ଭକ୍ତିବଶ୍ୟା ଭୟାପହା । ଶାମ୍ଭବୀ ଶାରଦାରାଧ୍ୟା ଶର୍ୱାଣୀ ଶର୍ମଦାୟିନୀ ॥ ୪୨ ॥
ଶାଙ୍କରୀ ଶ୍ରୀକରୀ ସାଧ୍ୱୀ ଶରଚ୍ଚନ୍ଦ୍ରନିଭାନନା । ଶାତୋଦରୀ ଶାନ୍ତିମତୀ ନିରାଧାରା ନିରଞ୍ଜନା ॥ ୪୩ ॥
ନିର୍ଲେପା ନିର୍ମଲା ନିତ୍ୟା ନିରାକାରା ନିରାକୁଲା । ନିର୍ଗୁଣା ନିଷ୍କଲା ଶାନ୍ତା ନିଷ୍କାମା ନିରୁପପ୍ଲବା ॥ ୪୪ ॥
ନିତ୍ୟମୁକ୍ତା ନିର୍ୱିକାରା ନିଷ୍ପ୍ରପଞ୍ଚା ନିରାଶ୍ରୟା । ନିତ୍ୟଶୁଦ୍ଧା ନିତ୍ୟବୁଦ୍ଧା ନିରବଦ୍ୟା ନିରନ୍ତରା ॥ ୪୫ ॥
ନିଷ୍କାରଣା ନିଷ୍କଲଙ୍କା ନିରୁପାଧିର୍ନିରୀଶ୍ୱରା । ନୀରାଗା ରାଗମଥନୀ ନିର୍ମଦା ମଦନାଶିନୀ ॥ ୪୬ ॥
ନିଶ୍ଚିନ୍ତା ନିରହଙ୍କାରା ନିର୍ମୋହା ମୋହନାଶିନୀ । ନିର୍ମମା ମମତାହନ୍ତ୍ରୀ ନିଷ୍ପାପା ପାପନାଶିନୀ ॥ ୪୭ ॥
ନିଷ୍କ୍ରୋଧା କ୍ରୋଧଶମନୀ ନିର୍ଲୋଭା ଲୋଭନାଶିନୀ । ନିଃସଂଶୟା ସଂଶୟଘ୍ନୀ ନିର୍ଭବା ଭବନାଶିନୀ ॥ ୪୮ ॥
ନିର୍ୱିକଲ୍ପା ନିରାବାଧା ନିର୍ଭେଦା ଭେଦନାଶିନୀ । ନିର୍ନାଶା ମୃତ୍ୟୁମଥନୀ ନିଷ୍କ୍ରିୟା ନିଷ୍ପରିଗ୍ରହା ॥ ୪୯ ॥
ନିସ୍ତୁଲା ନୀଲଚିକୁରା ନିରପାୟା ନିରତ୍ୟୟା । ଦୁର୍ଲଭା ଦୁର୍ଗମା ଦୁର୍ଗା ଦୁଃଖହନ୍ତ୍ରୀ ସୁଖପ୍ରଦା ॥ ୫୦ ॥
ଦୁଷ୍ଟଦୂରା ଦୁରାଚାରଶମନୀ ଦୋଷବର୍ଜିତା । ସର୍ୱଜ୍ଞା ସାନ୍ଦ୍ରକରୁଣା ସମାନାଧିକବର୍ଜିତା ॥ ୫୧ ॥
ସର୍ୱଶକ୍ତିମୟୀ ସର୍ୱମଙ୍ଗଲା ସଦ୍ଗତିପ୍ରଦା । ସର୍ୱେଶ୍ୱରୀ ସର୍ୱମୟୀ ସର୍ୱମନ୍ତ୍ରସ୍ୱରୂପିଣୀ ॥ ୫୨ ॥
ସର୍ୱଯନ୍ତ୍ରାତ୍ମିକା ସର୍ୱତନ୍ତ୍ରରୂପା ମନୋନ୍ମନୀ । ମାହେଶ୍ୱରୀ ମହାଦେବୀ ମହାଲକ୍ଷ୍ମୀର୍ମୃଡପ୍ରିୟା ॥ ୫୩ ॥
ମହାରୂପା ମହାପୂଜ୍ୟା ମହାପାତକନାଶିନୀ । ମହାମାୟା ମହାସତ୍ତ୍ୱା ମହାଶକ୍ତିର୍ମହାରତିଃ ॥ ୫୪ ॥
ମହାଭୋଗା ମହୈଶ୍ୱର୍ଯ୍ୟା ମହାବୀର୍ଯ୍ୟା ମହାବଲା । ମହାବୁଦ୍ଧିର୍ମହାସିଦ୍ଧିର୍ମହାଯୋଗେଶ୍ୱରେଶ୍ୱରୀ ॥ ୫୫ ॥
ମହାତନ୍ତ୍ରା ମହାମନ୍ତ୍ରା ମହାଯନ୍ତ୍ରା ମହାସନା । ମହାଯାଗକ୍ରମାରାଧ୍ୟା ମହାଭୈରବପୂଜିତା ॥ ୫୬ ॥
ମହେଶ୍ୱରମହାକଲ୍ପମହାତାଣ୍ଡବସାକ୍ଷିଣୀ । ମହାକାମେଶମହିଷୀ ମହାତ୍ରିପୁରସୁନ୍ଦରୀ ॥ ୫୭ ॥
ଚତୁଃଷଷ୍ଟ୍ୟୁପଚାରାଢ୍ୟା ଚତୁଃଷଷ୍ଟିକଲାମୟୀ । ମହାଚତୁଃଷଷ୍ଟିକୋଟିଯୋଗିନୀଗଣସେବିତା ॥ ୫୮ ॥
ମନୁବିଦ୍ୟା ଚନ୍ଦ୍ରବିଦ୍ୟା ଚନ୍ଦ୍ରମଣ୍ଡଲମଧ୍ୟଗା । ଚାରୁରୂପା ଚାରୁହାସା ଚାରୁଚନ୍ଦ୍ରକଲାଧରା ॥ ୫୯ ॥
ଚରାଚରଜଗନ୍ନାଥା ଚକ୍ରରାଜନିକେତନା । ପାର୍ୱତୀ ପଦ୍ମନୟନା ପଦ୍ମରାଗସମପ୍ରଭା ॥ ୬୦ ॥
ପଞ୍ଚପ୍ରେତାସନାସୀନା ପଞ୍ଚବ୍ରହ୍ମସ୍ୱରୂପିଣୀ । ଚିନ୍ମୟୀ ପରମାନନ୍ଦା ବିଜ୍ଞାନଘନରୂପିଣୀ ॥ ୬୧ ॥
ଧ୍ୟାନଧ୍ୟାତୃଧ୍ୟେୟରୂପା ଧର୍ମାଧର୍ମବିବର୍ଜିତା । ବିଶ୍ୱରୂପା ଜାଗରିଣୀ ସ୍ୱପନ୍ତୀ ତୈଜସାତ୍ମିକା ॥ ୬୨ ॥
ସୁପ୍ତା ପ୍ରାଜ୍ଞାତ୍ମିକା ତୁର୍ଯ୍ୟା ସର୍ୱାବସ୍ଥାବିବର୍ଜିତା । ସୃଷ୍ଟିକର୍ତ୍ରୀ ବ୍ରହ୍ମରୂପା ଗୋପ୍ତ୍ରୀ ଗୋବିନ୍ଦରୂପିଣୀ ॥ ୬୩ ॥
ସଂହାରିଣୀ ରୁଦ୍ରରୂପା ତିରୋଧାନକରୀଶ୍ୱରୀ । ସଦାଶିବାଽନୁଗ୍ରହଦା ପଞ୍ଚକୃତ୍ୟପରାୟଣା ॥ ୬୪ ॥
ଭାନୁମଣ୍ଡଲମଧ୍ୟସ୍ଥା ଭୈରବୀ ଭଗମାଲିନୀ । ପଦ୍ମାସନା ଭଗବତୀ ପଦ୍ମନାଭସହୋଦରୀ ॥ ୬୫ ॥
ଉନ୍ମେଷନିମିଷୋତ୍ପନ୍ନବିପନ୍ନଭୁବନାବଲୀ । ସହସ୍ରଶୀର୍ଷବଦନା ସହସ୍ରାକ୍ଷୀ ସହସ୍ରପାତ୍ ॥ ୬୬ ॥
ଆବ୍ରହ୍ମକୀଟଜନନୀ ବର୍ଣାଶ୍ରମବିଧାୟିନୀ । ନିଜାଜ୍ଞାରୂପନିଗମା ପୁଣ୍ୟାପୁଣ୍ୟଫଲପ୍ରଦା ॥ ୬୭ ॥
ଶ୍ରୁତିସୀମନ୍ତସିନ୍ଦୂରୀକୃତପାଦାବ୍ଜଧୂଲିକା । ସକଲାଗମସନ୍ଦୋହଶୁକ୍ତିସମ୍ପୁଟମୌକ୍ତିକା ॥ ୬୮ ॥
ପୁରୁଷାର୍ଥପ୍ରଦା ପୂର୍ଣା ଭୋଗିନୀ ଭୁବନେଶ୍ୱରୀ । ଅମ୍ବିକାଽନାଦିନିଧନା ହରିବ୍ରହ୍ମେନ୍ଦ୍ରସେବିତା ॥ ୬୯ ॥
ନାରାୟଣୀ ନାଦରୂପା ନାମରୂପବିବର୍ଜିତା । ହ୍ରୀଙ୍କାରୀ ହ୍ରୀମତୀ ହୃଦ୍ୟା ହେୟୋପାଦେୟବର୍ଜିତା ॥ ୭୦ ॥
ରାଜରାଜାର୍ଚିତା ରାଜ୍ଞୀ ରମ୍ୟା ରାଜୀବଲୋଚନା । ରଞ୍ଜନୀ ରମଣୀ ରସ୍ୟା ରଣତ୍କିଙ୍କିଣିମେଖଲା ॥ ୭୧ ॥
ରମା ରାକେନ୍ଦୁବଦନା ରତିରୂପା ରତିପ୍ରିୟା । ରକ୍ଷାକରୀ ରାକ୍ଷସଘ୍ନୀ ରାମା ରମଣଲମ୍ପଟା ॥ ୭୨ ॥
କାମ୍ୟା କାମକଲାରୂପା କଦମ୍ବକୁସୁମପ୍ରିୟା । କଲ୍ୟାଣୀ ଜଗତୀକନ୍ଦା କରୁଣାରସସାଗରା ॥ ୭୩ ॥
କଲାବତୀ କଲାଲାପା କାନ୍ତା କାଦମ୍ବରୀପ୍ରିୟା । ବରଦା ବାମନୟନା ବାରୁଣୀମଦବିହ୍ୱଲା ॥ ୭୪ ॥
ବିଶ୍ୱାଧିକା ବେଦବେଦ୍ୟା ବିନ୍ଧ୍ୟାଚଲନିବାସିନୀ । ବିଧାତ୍ରୀ ବେଦଜନନୀ ବିଷ୍ଣୁମାୟା ବିଲାସିନୀ ॥ ୭୫ ॥
କ୍ଷେତ୍ରସ୍ୱରୂପା କ୍ଷେତ୍ରେଶୀ କ୍ଷେତ୍ରକ୍ଷେତ୍ରଜ୍ଞପାଲିନୀ । କ୍ଷୟବୃଦ୍ଧିବିନିର୍ମୁକ୍ତା କ୍ଷେତ୍ରପାଲସମର୍ଚିତା ॥ ୭୬ ॥
ବିଜୟା ବିମଲା ବନ୍ଦ୍ୟା ବନ୍ଦାରୁଜନବତ୍ସଲା । ବାଗ୍ବାଦିନୀ ବାମକେଶୀ ବହ୍ନିମଣ୍ଡଲବାସିନୀ ॥ ୭୭ ॥
ଭକ୍ତିମତ୍କଲ୍ପଲତିକା ପଶୁପାଶବିମୋଚିନୀ । ସଂହୃତାଶେଷପାଷଣ୍ଡା ସଦାଚାରପ୍ରବର୍ତିକା ॥ ୭୮ ॥
ତାପତ୍ରୟାଗ୍ନିସନ୍ତପ୍ତସମାହ୍ଲାଦନଚନ୍ଦ୍ରିକା । ତରୁଣୀ ତାପସାରାଧ୍ୟା ତନୁମଧ୍ୟା ତମୋଽପହା ॥ ୭୯ ॥
ଚିତିସ୍ତତ୍ପଦଲକ୍ଷ୍ୟାର୍ଥା ଚିଦେକରସରୂପିଣୀ । ସ୍ୱାତ୍ମାନନ୍ଦଲବୀଭୂତବ୍ରହ୍ମାଦ୍ୟାନନ୍ଦସନ୍ତତିଃ ॥ ୮୦ ॥
ପରା ପ୍ରତ୍ୟକ୍ଚିତୀରୂପା ପଶ୍ୟନ୍ତୀ ପରଦେବତା । ମଧ୍ୟମା ବୈଖରୀରୂପା ଭକ୍ତମାନସହଂସିକା ॥ ୮୧ ॥
କାମେଶ୍ୱରପ୍ରାଣନାଡୀ କୃତଜ୍ଞା କାମପୂଜିତା । ଶୃଙ୍ଗାରରସସମ୍ପୂର୍ଣା ଜୟା ଜାଲନ୍ଧରସ୍ଥିତା ॥ ୮୨ ॥
ଓଡ୍ୟାଣପୀଠନିଲୟା ବିନ୍ଦୁମଣ୍ଡଲବାସିନୀ । ରହୋଯାଗକ୍ରମାରାଧ୍ୟା ରହସ୍ତର୍ପଣତର୍ପିତା ॥ ୮୩ ॥
ସଦ୍ୟଃପ୍ରସାଦିନୀ ବିଶ୍ୱସାକ୍ଷିଣୀ ସାକ୍ଷିବର୍ଜିତା । ଷଡଙ୍ଗଦେବତାଯୁକ୍ତା ଷାଡ୍ଗୁଣ୍ୟପରିପୂରିତା ॥ ୮୪ ॥
ନିତ୍ୟକ୍ଲିନ୍ନା ନିରୁପମା ନିର୍ୱାଣସୁଖଦାୟିନୀ । ନିତ୍ୟାଷୋଡଶିକାରୂପା ଶ୍ରୀକଣ୍ଠାର୍ଧଶରୀରିଣୀ ॥ ୮୫ ॥
ପ୍ରଭାବତୀ ପ୍ରଭାରୂପା ପ୍ରସିଦ୍ଧା ପରମେଶ୍ୱରୀ । ମୂଲପ୍ରକୃତିରବ୍ୟକ୍ତା ବ୍ୟକ୍ତାବ୍ୟକ୍ତସ୍ୱରୂପିଣୀ ॥ ୮୬ ॥
ବ୍ୟାପିନୀ ବିବିଧାକାରା ବିଦ୍ୟାବିଦ୍ୟା-ସ୍ୱରୂପିଣୀ । ମହାକାମେଶନୟନକୁମୁଦାହ୍ଲାଦକୌମୁଦୀ ॥ ୮୭ ॥
ଭକ୍ତହାର୍ଦତମୋଭେଦଭାନୁମଦ୍ଭାନୁସନ୍ତତିଃ । ଶିବଦୂତୀ ଶିବାରାଧ୍ୟା ଶିବମୂର୍ତିଃ ଶିବଙ୍କରୀ ॥ ୮୮ ॥
ଶିବପ୍ରିୟା ଶିବପରା ଶିଷ୍ଟେଷ୍ଟା ଶିଷ୍ଟପୂଜିତା । ଅପ୍ରମେୟା ସ୍ୱପ୍ରକାଶା ମନୋବାଚାମଗୋଚରା ॥ ୮୯ ॥
ଚିଚ୍ଛକ୍ତିଶ୍ ଚେତନାରୂପା ଜଡଶକ୍ତିର୍ଜଡାତ୍ମିକା । ଗାୟତ୍ରୀ ବ୍ୟାହୃତିଃ ସନ୍ଧ୍ୟା ଦ୍ୱିଜବୃନ୍ଦନିଷେବିତା ॥ ୯୦ ॥
ତତ୍ତ୍ୱାସନା ତତ୍ତ୍ୱମୟୀ ପଞ୍ଚକୋଶାନ୍ତରସ୍ଥିତା । ନିଃସୀମମହିମା ନିତ୍ୟଯୌବନା ମଦଶାଲିନୀ ॥ ୯୧ ॥
ମଦଘୂର୍ଣିତରକ୍ତାକ୍ଷୀ ମଦପାଟଲଗଣ୍ଡଭୂଃ । ଚନ୍ଦନଦ୍ରବଦିଗ୍ଧାଙ୍ଗୀ ଚାମ୍ପେୟକୁସୁମପ୍ରିୟା ॥ ୯୨ ॥
କୁଶଲା କୋମଲାକାରା କୁରୁକୁଲ୍ଲା କୁଲେଶ୍ୱରୀ । କୁଲକୁଣ୍ଡାଲୟା କୌଲମାର୍ଗତତ୍ପରସେବିତା ॥ ୯୩ ॥
କୁମାରଗଣନାଥାମ୍ବା ତୁଷ୍ଟିଃ ପୁଷ୍ଟିର୍ମତିର୍ଧୃତିଃ । ଶାନ୍ତିଃ ସ୍ୱସ୍ତିମତୀ କାନ୍ତିର୍ନନ୍ଦିନୀ ବିଘ୍ନନାଶିନୀ ॥ ୯୪ ॥
ତେଜୋବତୀ ତ୍ରିନୟନା ଲୋଲାକ୍ଷୀକାମରୂପିଣୀ । ମାଲିନୀ ହଂସିନୀ ମାତା ମଲୟାଚଲବାସିନୀ ॥ ୯୫ ॥
ସୁମୁଖୀ ନଲିନୀ ସୁଭ୍ରୂଃ ଶୋଭନା ସୁରନାୟିକା । କାଲକଣ୍ଠୀ କାନ୍ତିମତୀ କ୍ଷୋଭିଣୀ ସୂକ୍ଷ୍ମରୂପିଣୀ ॥ ୯୬ ॥
ବଜ୍ରେଶ୍ୱରୀ ବାମଦେବୀ ବୟୋଽବସ୍ଥାବିବର୍ଜିତା । ସିଦ୍ଧେଶ୍ୱରୀ ସିଦ୍ଧବିଦ୍ୟା ସିଦ୍ଧମାତା ଯଶସ୍ୱିନୀ ॥ ୯୭ ॥
ବିଶୁଦ୍ଧିଚକ୍ରନିଲୟାଽଽରକ୍ତବର୍ଣା ତ୍ରିଲୋଚନା । ଖଟ୍ୱାଙ୍ଗାଦିପ୍ରହରଣା ବଦନୈକସମନ୍ୱିତା ॥ ୯୮ ॥
ପାୟସାନ୍ନପ୍ରିୟା ତ୍ୱକ୍ସ୍ଥା ପଶୁଲୋକଭୟଙ୍କରୀ । ଅମୃତାଦିମହାଶକ୍ତିସଂବୃତା ଡାକିନୀଶ୍ୱରୀ ॥ ୯୯ ॥
ଅନାହତାବ୍ଜନିଲୟା ଶ୍ୟାମାଭା ବଦନଦ୍ୱଯା । ଦଂଷ୍ଟ୍ରୋଜ୍ଜ୍ୱଲାଽକ୍ଷମାଲାଦିଧରା ରୁଧିରସଂସ୍ଥିତା ॥ ୧୦୦ ॥
କାଲରାତ୍ର୍ଯ୍ୟାଦିଶକ୍ତ୍ୟୌଘବୃତା ସ୍ନିଗ୍ଧୌଦନପ୍ରିୟା । ମହାବୀରେନ୍ଦ୍ରବରଦା ରାକିଣ୍ୟମ୍ବାସ୍ୱରୂପିଣୀ ॥ ୧୦୧ ॥
ମଣିପୂରାବ୍ଜନିଲୟା ବଦନତ୍ରୟସଂଯୁତା । ବଜ୍ରାଦିକାୟୁଧୋପେତା ଡାମର୍ଯ୍ୟାଦିଭିରାବୃତା ॥ ୧୦୨ ॥
ରକ୍ତବର୍ଣା ମାଂସନିଷ୍ଠା ଗୁଡାନ୍ନପ୍ରୀତମାନସା । ସମସ୍ତଭକ୍ତସୁଖଦା ଲାକିନ୍ୟମ୍ବାସ୍ୱରୂପିଣୀ ॥ ୧୦୩ ॥
ସ୍ୱାଧିଷ୍ଠାନାମ୍ବୁଜଗତା ଚତୁର୍ବକ୍ତ୍ରମନୋହରା । ଶୂଲାଦ୍ୟାୟୁଧସମ୍ପନ୍ନା ପୀତବର୍ଣାଽତିଗର୍ୱିତା ॥ ୧୦୪ ॥
ମେଦୋନିଷ୍ଠା ମଧୁପ୍ରୀତା ବନ୍ଧିନ୍ୟାଦିସମନ୍ୱିତା । ଦଧ୍ୟନ୍ନାସକ୍ତହୃଦୟା କାକିନୀରୂପଧାରିଣୀ ॥ ୧୦୫ ॥
ମୂଲାଧାରାମ୍ବୁଜାରୂଢା ପଞ୍ଚବକ୍ତ୍ରାଽସ୍ଥିସଂସ୍ଥିତା । ଅଙ୍କୁଶାଦିପ୍ରହରଣା ବରଦାଦିନିଷେବିତା ॥ ୧୦୬ ॥
ମୁଦ୍ଗୌଦନାସକ୍ତଚିତ୍ତା ସାକିନ୍ୟମ୍ବାସ୍ୱରୂପିଣୀ । ଆଜ୍ଞାଚକ୍ରାବ୍ଜନିଲୟା ଶୁକ୍ଲବର୍ଣା ଷଡାନନା ॥ ୧୦୭ ॥
ମଜ୍ଜାସଂସ୍ଥା ହଂସବତୀମୁଖ୍ୟଶକ୍ତିସମନ୍ୱିତା । ହରିଦ୍ରାନ୍ନୈକରସିକା ହାକିନୀରୂପଧାରିଣୀ ॥ ୧୦୮ ॥
ସହସ୍ରଦଲପଦ୍ମସ୍ଥା ସର୍ୱବର୍ଣୋପଶୋଭିତା । ସର୍ୱାୟୁଧଧରା ଶୁକ୍ଲସଂସ୍ଥିତା ସର୍ୱତୋମୁଖୀ ॥ ୧୦୯ ॥
ସର୍ୱୌଦନପ୍ରୀତଚିତ୍ତା ଯାକିନ୍ୟମ୍ବାସ୍ୱରୂପିଣୀ । ସ୍ୱାହା ସ୍ୱଧାଽମତିର୍ମେଧା ଶ୍ରୁତିଃ ସ୍ମୃତିରନୁତ୍ତମା ॥ ୧୧୦ ॥
ପୁଣ୍ୟକୀର୍ତିଃ ପୁଣ୍ୟଲଭ୍ୟା ପୁଣ୍ୟଶ୍ରବଣକୀର୍ତନା । ପୁଲୋମଜାର୍ଚିତା ବନ୍ଧମୋଚନୀ ବନ୍ଧୁରାଲକା ॥ ୧୧୧ ॥
ବିମର୍ଶରୂପିଣୀ ବିଦ୍ୟା ବିୟଦାଦିଜଗତ୍ପ୍ରସୂଃ । ସର୍ୱବ୍ୟାଧିପ୍ରଶମନୀ ସର୍ୱମୃତ୍ୟୁନିବାରିଣୀ ॥ ୧୧୨ ॥
ଅଗ୍ରଗଣ୍ୟାଽଚିନ୍ତ୍ୟରୂପା କଲିକଲ୍ମଷନାଶିନୀ । କାତ୍ୟାୟନୀ କାଲହନ୍ତ୍ରୀ କମଲାକ୍ଷନିଷେବିତା ॥ ୧୧୩ ॥
ତାମ୍ବୂଲପୂରିତମୁଖୀ ଦାଡିମୀକୁସୁମପ୍ରଭା । ମୃଗାକ୍ଷୀ ମୋହିନୀ ମୁଖ୍ୟା ମୃଡାନୀ ମିତ୍ରରୂପିଣୀ ॥ ୧୧୪ ॥
ନିତ୍ୟତୃପ୍ତା ଭକ୍ତନିଧିର୍ନିୟନ୍ତ୍ରୀ ନିଖିଲେଶ୍ୱରୀ । ମୈତ୍ର୍ଯ୍ୟାଦିବାସନାଲଭ୍ୟା ମହାପ୍ରଲୟସାକ୍ଷିଣୀ ॥ ୧୧୫ ॥
ପରା ଶକ୍ତିଃ ପରା ନିଷ୍ଠା ପ୍ରଜ୍ଞାନଘନରୂପିଣୀ । ମାଧ୍ୱୀପାନାଲସା ମତ୍ତା ମାତୃକାବର୍ଣରୂପିଣୀ ॥ ୧୧୬ ॥
ମହାକୈଲାସନିଲୟା ମୃଣାଲମୃଦୁଦୋର୍ଲତା । ମହନୀୟା ଦୟାମୂର୍ତିର୍ମହାସାମ୍ରାଜ୍ୟଶାଲିନୀ ॥ ୧୧୭ ॥
ଆତ୍ମବିଦ୍ୟା ମହାବିଦ୍ୟା ଶ୍ରୀବିଦ୍ୟା କାମସେବିତା । ଶ୍ରୀଷୋଡଶାକ୍ଷରୀବିଦ୍ୟା ତ୍ରିକୂଟା କାମକୋଟିକା ॥ ୧୧୮ ॥
କଟାକ୍ଷକିଙ୍କରୀଭୂତକମଲାକୋଟିସେବିତା । ଶିରଃସ୍ଥିତା ଚନ୍ଦ୍ରନିଭା ଭାଲସ୍ଥେନ୍ଦ୍ରଧନୁଃପ୍ରଭା ॥ ୧୧୯ ॥
ହୃଦୟସ୍ଥା ରବିପ୍ରଖ୍ୟା ତ୍ରିକୋଣାନ୍ତରଦୀପିକା । ଦାକ୍ଷାୟଣୀ ଦୈତ୍ୟହନ୍ତ୍ରୀ ଦକ୍ଷଯଜ୍ଞବିନାଶିନୀ ॥ ୧୨୦ ॥
ଦରାନ୍ଦୋଲିତଦୀର୍ଘାକ୍ଷୀ ଦରହାସୋଜ୍ଜ୍ୱଲନ୍ମୁଖୀ । ଗୁରୁମୂର୍ତିର୍ଗୁଣନିଧିର୍ଗୋମାତା ଗୁହଜନ୍ମଭୂଃ ॥ ୧୨୧ ॥
ଦେବେଶୀ ଦଣ୍ଡନୀତିସ୍ଥା ଦହରାକାଶରୂପିଣୀ । ପ୍ରତିପନ୍ମୁଖ୍ୟରାକାନ୍ତତିଥିମଣ୍ଡଲପୂଜିତା ॥ ୧୨୨ ॥
କଲାତ୍ମିକା କଲାନାଥା କାବ୍ୟାଲାପବିନୋଦିନୀ । ସଚାମରରମାବାଣୀସବ୍ୟଦକ୍ଷିଣସେବିତା ॥ ୧୨୩ ॥
ଆଦିଶକ୍ତିରମେୟାଽଽତ୍ମା ପରମା ପାବନାକୃତିଃ । ଅନେକକୋଟିବ୍ରହ୍ମାଣ୍ଡଜନନୀ ଦିବ୍ୟବିଗ୍ରହା ॥ ୧୨୪ ॥
କ୍ଲୀଙ୍କାରୀ କେବଲା ଗୁହ୍ୟା କୈବଲ୍ୟପଦଦାୟିନୀ । ତ୍ରିପୁରା ତ୍ରିଜଗଦ୍ବନ୍ଦ୍ୟା ତ୍ରିମୂର୍ତିସ୍ତ୍ରିଦଶେଶ୍ୱରୀ ॥ ୧୨୫ ॥
ତ୍ର୍ଯ୍ୟକ୍ଷରୀ ଦିବ୍ୟଗନ୍ଧାଢ୍ୟା ସିନ୍ଦୂରତିଲକାଞ୍ଚିତା । ଉମା ଶୈଲେନ୍ଦ୍ରତନୟା ଗୌରୀ ଗନ୍ଧର୍ୱସେବିତା ॥ ୧୨୬ ॥
ବିଶ୍ୱଗର୍ଭା ସ୍ୱର୍ଣଗର୍ଭାଽବରଦା ବାଗଧୀଶ୍ୱରୀ । ଧ୍ୟାନଗମ୍ୟାଽପରିଚ୍ଛେଦ୍ୟା ଜ୍ଞାନଦା ଜ୍ଞାନବିଗ୍ରହା ॥ ୧୨୭ ॥
ସର୍ୱବେଦାନ୍ତସଂବେଦ୍ୟା ସତ୍ୟାନନ୍ଦସ୍ୱରୂପିଣୀ । ଲୋପାମୁଦ୍ରାର୍ଚିତା ଲୀଲାକୢପ୍ତବ୍ରହ୍ମାଣ୍ଡମଣ୍ଡଲା ॥ ୧୨୮ ॥
ଅଦୃଶ୍ୟା ଦୃଶ୍ୟରହିତା ବିଜ୍ଞାତ୍ରୀ ବେଦ୍ୟବର୍ଜିତା । ଯୋଗିନୀ ଯୋଗଦା ଯୋଗ୍ୟା ଯୋଗାନନ୍ଦା ଯୁଗନ୍ଧରା ॥ ୧୨୯ ॥
ଇଚ୍ଛାଶକ୍ତିଜ୍ଞାନଶକ୍ତିକ୍ରିୟାଶକ୍ତିସ୍ୱରୂପିଣୀ । ସର୍ୱାଧାରା ସୁପ୍ରତିଷ୍ଠା ସଦସଦ୍ରୂପଧାରିଣୀ ॥ ୧୩୦ ॥
ଅଷ୍ଟମୂର୍ତିରଜାଜୈତ୍ରୀ ଲୋକଯାତ୍ରାବିଧାୟିନୀ । ଏକାକିନୀ ଭୂମରୂପା ନିର୍ଦ୍ୱୈତା ଦ୍ୱୈତବର୍ଜିତା ॥ ୧୩୧ ॥
ଅନ୍ନଦା ବସୁଦା ବୃଦ୍ଧା ବ୍ରହ୍ମାତ୍ମୈକ୍ୟସ୍ୱରୂପିଣୀ । ବୃହତୀ ବ୍ରାହ୍ମଣୀ ବ୍ରାହ୍ମୀ ବ୍ରହ୍ମାନନ୍ଦା ବଲିପ୍ରିୟା ॥ ୧୩୨ ॥
ଭାଷାରୂପା ବୃହତ୍ସେନା ଭାବାଭାବବିବର୍ଜିତା । ସୁଖାରାଧ୍ୟା ଶୁଭକରୀ ଶୋଭନା ସୁଲଭା ଗତିଃ ॥ ୧୩୩ ॥
ରାଜରାଜେଶ୍ୱରୀ ରାଜ୍ୟଦାୟିନୀ ରାଜ୍ୟବଲ୍ଲଭା । ରାଜତ୍କୃପା ରାଜପୀଠନିବେଶିତନିଜାଶ୍ରିତା ॥ ୧୩୪ ॥
ରାଜ୍ୟଲକ୍ଷ୍ମୀଃ କୋଶନାଥା ଚତୁରଙ୍ଗବଲେଶ୍ୱରୀ । ସାମ୍ରାଜ୍ୟଦାୟିନୀ ସତ୍ୟସନ୍ଧା ସାଗରମେଖଲା ॥ ୧୩୫ ॥
ଦୀକ୍ଷିତା ଦୈତ୍ୟଶମନୀ ସର୍ୱଲୋକବଶଙ୍କରୀ । ସର୍ୱାର୍ଥଦାତ୍ରୀ ସାବିତ୍ରୀ ସଚ୍ଚିଦାନନ୍ଦରୂପିଣୀ ॥ ୧୩୬ ॥
ଦେଶକାଲାପରିଚ୍ଛିନ୍ନା ସର୍ୱଗା ସର୍ୱମୋହିନୀ । ସରସ୍ୱତୀ ଶାସ୍ତ୍ରମୟୀ ଗୁହାମ୍ବା ଗୁହ୍ୟରୂପିଣୀ ॥ ୧୩୭ ॥
ସର୍ୱୋପାଧିବିନିର୍ମୁକ୍ତା ସଦାଶିବପତିବ୍ରତା । ସମ୍ପ୍ରଦାୟେଶ୍ୱରୀ ସାଧ୍ୱୀ ଗୁରୁମଣ୍ଡଲରୂପିଣୀ ॥ ୧୩୮ ॥
କୁଲୋତ୍ତୀର୍ଣା ଭଗାରାଧ୍ୟା ମାୟା ମଧୁମତୀ ମହୀ । ଗଣାମ୍ବା ଗୁହ୍ୟକାରାଧ୍ୟା କୋମଲାଙ୍ଗୀ ଗୁରୁପ୍ରିୟା ॥ ୧୩୯ ॥
ସ୍ୱତନ୍ତ୍ରା ସର୍ୱତନ୍ତ୍ରେଶୀ ଦକ୍ଷିଣାମୂର୍ତିରୂପିଣୀ । ସନକାଦିସମାରାଧ୍ୟା ଶିବଜ୍ଞାନପ୍ରଦାୟିନୀ ॥ ୧୪୦ ॥
ଚିତ୍କଲାଽଽନନ୍ଦକଲିକା ପ୍ରେମରୂପା ପ୍ରିୟଙ୍କରୀ । ନାମପାରାୟଣପ୍ରୀତା ନନ୍ଦିବିଦ୍ୟା ନଟେଶ୍ୱରୀ ॥ ୧୪୧ ॥
ମିଥ୍ୟାଜଗଦଧିଷ୍ଠାନା ମୁକ୍ତିଦା ମୁକ୍ତିରୂପିଣୀ । ଲାସ୍ୟପ୍ରିୟା ଲୟକରୀ ଲଜ୍ଜା ରମ୍ଭାଦିବନ୍ଦିତା ॥ ୧୪୨ ॥
ଭବଦାବସୁଧାବୃଷ୍ଟିଃ ପାପାରଣ୍ୟଦବାନଲା । ଦୌର୍ଭାଗ୍ୟତୂଲବାତୂଲା ଜରାଧ୍ୱାନ୍ତରବିପ୍ରଭା ॥ ୧୪୩ ॥
ଭାଗ୍ୟାବ୍ଧିଚନ୍ଦ୍ରିକା ଭକ୍ତଚିତ୍ତକେକିଘନାଘନା । ରୋଗପର୍ୱତଦମ୍ଭୋଲିର୍ମୃତ୍ୟୁଦାରୁକୁଠାରିକା ॥ ୧୪୪ ॥
ମହେଶ୍ୱରୀ ମହାକାଲୀ ମହାଗ୍ରାସା ମହାଶନା । ଅପର୍ଣା ଚଣ୍ଡିକା ଚଣ୍ଡମୁଣ୍ଡାସୁରନିଷୂଦିନୀ ॥ ୧୪୫ ॥
କ୍ଷରାକ୍ଷରାତ୍ମିକା ସର୍ୱଲୋକେଶୀ ବିଶ୍ୱଧାରିଣୀ । ତ୍ରିବର୍ଗଦାତ୍ରୀ ସୁଭଗା ତ୍ର୍ଯ୍ୟମ୍ବକା ତ୍ରିଗୁଣାତ୍ମିକା ॥ ୧୪୬ ॥
ସ୍ୱର୍ଗାପବର୍ଗଦା ଶୁଦ୍ଧା ଜପାପୁଷ୍ପନିଭାକୃତିଃ । ଓଜୋବତୀ ଦ୍ୟୁତିଧରା ଯଜ୍ଞରୂପା ପ୍ରିୟବ୍ରତା ॥ ୧୪୭ ॥
ଦୁରାରାଧ୍ୟା ଦୁରାଧର୍ଷା ପାଟଲୀକୁସୁମପ୍ରିୟା । ମହତୀ ମେରୁନିଲୟା ମନ୍ଦାରକୁସୁମପ୍ରିୟା ॥ ୧୪୮ ॥
ବୀରାରାଧ୍ୟା ବିରାଡ୍ରୂପା ବିରଜା ବିଶ୍ୱତୋମୁଖୀ । ପ୍ରତ୍ୟଗ୍ରୂପା ପରାକାଶା ପ୍ରାଣଦା ପ୍ରାଣରୂପିଣୀ ॥ ୧୪୯ ॥
ମାର୍ତାଣ୍ଡଭୈରବାରାଧ୍ୟା ମନ୍ତ୍ରିଣୀନ୍ୟସ୍ତରାଜ୍ୟଧୂଃ । ତ୍ରିପୁରେଶୀ ଜୟତ୍ସେନା ନିସ୍ତ୍ରୈଗୁଣ୍ୟା ପରାପରା ॥ ୧୫୦ ॥
ସତ୍ୟଜ୍ଞାନାନନ୍ଦରୂପା ସାମରସ୍ୟପରାୟଣା । କପର୍ଦିନୀ କଲାମାଲା କାମଧୁକ୍ କାମରୂପିଣୀ ॥ ୧୫୧ ॥
କଲାନିଧିଃ କାବ୍ୟକଲା ରସଜ୍ଞା ରସଶେବଧିଃ । ପୁଷ୍ଟା ପୁରାତନା ପୂଜ୍ୟା ପୁଷ୍କରା ପୁଷ୍କରେକ୍ଷଣା ॥ ୧୫୨ ॥
ପରଞ୍ଜ୍ୟୋତିଃ ପରନ୍ଧାମ ପରମାଣୁଃ ପରାତ୍ପରା । ପାଶହସ୍ତା ପାଶହନ୍ତ୍ରୀ ପରମନ୍ତ୍ରବିଭେଦିନୀ ॥ ୧୫୩ ॥
ମୂର୍ତାଽମୂର୍ତାଽନିତ୍ୟତୃପ୍ତା ମୁନିମାନସହଂସିକା । ସତ୍ୟବ୍ରତା ସତ୍ୟରୂପା ସର୍ୱାନ୍ତର୍ଯାମିନୀ ସତୀ ॥ ୧୫୪ ॥
ବ୍ରହ୍ମାଣୀ ବ୍ରହ୍ମଜନନୀ ବହୁରୂପା ବୁଧାର୍ଚିତା । ପ୍ରସବିତ୍ରୀ ପ୍ରଚଣ୍ଡାଽଽଜ୍ଞା ପ୍ରତିଷ୍ଠା ପ୍ରକଟାକୃତିଃ ॥ ୧୫୫ ॥
ପ୍ରାଣେଶ୍ୱରୀ ପ୍ରାଣଦାତ୍ରୀ ପଞ୍ଚାଶତ୍ପୀଠରୂପିଣୀ । ବିଶୃଙ୍ଖଲା ବିବିକ୍ତସ୍ଥା ବୀରମାତା ବିୟତ୍ପ୍ରସୂଃ ॥ ୧୫୬ ॥
ମୁକୁନ୍ଦା ମୁକ୍ତିନିଲୟା ମୂଲବିଗ୍ରହରୂପିଣୀ । ଭାବଜ୍ଞା ଭବରୋଗଘ୍ନୀ ଭବଚକ୍ରପ୍ରବର୍ତିନୀ ॥ ୧୫୭ ॥
ଛନ୍ଦଃସାରା ଶାସ୍ତ୍ରସାରା ମନ୍ତ୍ରସାରା ତଲୋଦରୀ । ଉଦାରକୀର୍ତିରୁଦ୍ଦାମବୈଭବା ବର୍ଣରୂପିଣୀ ॥ ୧୫୮ ॥
ଜନ୍ମମୃତ୍ୟୁଜରାତପ୍ତଜନବିଶ୍ରାନ୍ତିଦାୟିନୀ । ସର୍ୱୋପନିଷଦୁଦ୍ଘୁଷ୍ଟା ଶାନ୍ତ୍ୟତୀତକଲାତ୍ମିକା ॥ ୧୫୯ ॥
ଗମ୍ଭୀରା ଗଗନାନ୍ତସ୍ଥା ଗର୍ୱିତା ଗାନଲୋଲୁପା । କଲ୍ପନାରହିତା କାଷ୍ଠାଽକାନ୍ତା କାନ୍ତାର୍ଧବିଗ୍ରହା ॥ ୧୬୦ ॥
କାର୍ଯ୍ୟକାରଣନିର୍ମୁକ୍ତା କାମକେଲିତରଙ୍ଗିତା । କନତ୍କନକତାଟଙ୍କା ଲୀଲାବିଗ୍ରହଧାରିଣୀ ॥ ୧୬୧ ॥
ଅଜା କ୍ଷୟବିନିର୍ମୁକ୍ତା ମୁଗ୍ଧା କ୍ଷିପ୍ରପ୍ରସାଦିନୀ । ଅନ୍ତର୍ମୁଖସମାରାଧ୍ୟା ବହିର୍ମୁଖସୁଦୁର୍ଲଭା ॥ ୧୬୨ ॥
ତ୍ରୟୀ ତ୍ରିବର୍ଗନିଲୟା ତ୍ରିସ୍ଥା ତ୍ରିପୁରମାଲିନୀ । ନିରାମୟା ନିରାଲମ୍ବା ସ୍ୱାତ୍ମାରାମା ସୁଧାସୃତିଃ ॥ ୧୬୩ ॥
ସଂସାରପଙ୍କନିର୍ମଗ୍ନସମୁଦ୍ଧରଣପଣ୍ଡିତା । ଯଜ୍ଞପ୍ରିୟା ଯଜ୍ଞକର୍ତ୍ରୀ ଯଜମାନସ୍ୱରୂପିଣୀ ॥ ୧୬୪ ॥
ଧର୍ମାଧାରା ଧନାଧ୍ୟକ୍ଷା ଧନଧାନ୍ୟବିବର୍ଧିନୀ । ବିପ୍ରପ୍ରିୟା ବିପ୍ରରୂପା ବିଶ୍ୱଭ୍ରମଣକାରିଣୀ ॥ ୧୬୫ ॥
ବିଶ୍ୱଗ୍ରାସା ବିଦ୍ରୁମାଭା ବୈଷ୍ଣବୀ ବିଷ୍ଣୁରୂପିଣୀ । ଅୟୋନିର୍ଯୋନିନିଲୟା କୂଟସ୍ଥା କୁଲରୂପିଣୀ ॥ ୧୬୬ ॥
ବୀରଗୋଷ୍ଠୀପ୍ରିୟା ବୀରା ନୈଷ୍କର୍ମ୍ୟା ନାଦରୂପିଣୀ । ବିଜ୍ଞାନକଲନା କଲ୍ୟା ବିଦଗ୍ଧା ବୈନ୍ଦବାସନା ॥ ୧୬୭ ॥
ତତ୍ତ୍ୱାଧିକା ତତ୍ତ୍ୱମୟୀ ତତ୍ତ୍ୱମର୍ଥସ୍ୱରୂପିଣୀ । ସାମଗାନପ୍ରିୟା ସୌମ୍ୟା ସଦାଶିବକୁଟୁମ୍ବିନୀ ॥ ୧୬୮ ॥
ସବ୍ୟାପସବ୍ୟମାର୍ଗସ୍ଥା ସର୍ୱାପଦ୍ବିନିବାରିଣୀ । ସ୍ୱସ୍ଥା ସ୍ୱଭାବମଧୁରା ଧୀରା ଧୀରସମର୍ଚିତା ॥ ୧୬୯ ॥
ଚୈତନ୍ୟାର୍ଘ୍ୟସମାରାଧ୍ୟା ଚୈତନ୍ୟକୁସୁମପ୍ରିୟା । ସଦୋଦିତା ସଦାତୁଷ୍ଟା ତରୁଣାଦିତ୍ୟପାଟଲା ॥ ୧୭୦ ॥
ଦକ୍ଷିଣାଦକ୍ଷିଣାରାଧ୍ୟା ଦରସ୍ମେରମୁଖାମ୍ବୁଜା । କୌଲିନୀକେବଲାଽନର୍ଘ୍ୟକୈବଲ୍ୟପଦଦାୟିନୀ ॥ ୧୭୧ ॥
ସ୍ତୋତ୍ରପ୍ରିୟା ସ୍ତୁତିମତୀ ଶ୍ରୁତିସଂସ୍ତୁତବୈଭବା । ମନସ୍ୱିନୀ ମାନବତୀ ମହେଶୀ ମଙ୍ଗଲାକୃତିଃ ॥ ୧୭୨ ॥
ବିଶ୍ୱମାତା ଜଗଦ୍ଧାତ୍ରୀ ବିଶାଲାକ୍ଷୀ ବିରାଗିଣୀ । ପ୍ରଗଲ୍ଭା ପରମୋଦାରା ପରାମୋଦା ମନୋମୟୀ ॥ ୧୭୩ ॥
ବ୍ୟୋମକେଶୀ ବିମାନସ୍ଥା ବଜ୍ରିଣୀ ବାମକେଶ୍ୱରୀ । ପଞ୍ଚଯଜ୍ଞପ୍ରିୟା ପଞ୍ଚପ୍ରେତମଞ୍ଚାଧିଶାୟିନୀ ॥ ୧୭୪ ॥
ପଞ୍ଚମୀ ପଞ୍ଚଭୂତେଶୀ ପଞ୍ଚସଙ୍ଖ୍ୟୋପଚାରିଣୀ । ଶାଶ୍ୱତୀ ଶାଶ୍ୱତୈଶ୍ୱର୍ଯ୍ୟା ଶର୍ମଦା ଶମ୍ଭୁମୋହିନୀ ॥ ୧୭୫ ॥
ଧରାଧରସୁତା ଧନ୍ୟା ଧର୍ମିଣୀ ଧର୍ମବର୍ଧିନୀ । ଲୋକାତୀତା ଗୁଣାତୀତା ସର୍ୱାତୀତା ଶମାତ୍ମିକା ॥ ୧୭୬ ॥
ବନ୍ଧୂକକୁସୁମପ୍ରଖ୍ୟା ବାଲା ଲୀଲାବିନୋଦିନୀ । ସୁମଙ୍ଗଲୀ ସୁଖକରୀ ସୁବେଷାଢ୍ୟା ସୁବାସିନୀ ॥ ୧୭୭ ॥
ସୁବାସିନ୍ୟର୍ଚନପ୍ରୀତାଽଽଶୋଭନା ଶୁଦ୍ଧମାନସା । ବିନ୍ଦୁତର୍ପଣସନ୍ତୁଷ୍ଟା ପୂର୍ୱଜା ତ୍ରିପୁରାମ୍ବିକା ॥ ୧୭୮ ॥
ଦଶମୁଦ୍ରାସମାରାଧ୍ୟା ତ୍ରିପୁରାଶ୍ରୀବଶଙ୍କରୀ । ଜ୍ଞାନମୁଦ୍ରା ଜ୍ଞାନଗମ୍ୟା ଜ୍ଞାନଜ୍ଞେୟସ୍ୱରୂପିଣୀ ॥ ୧୭୯ ॥
ଯୋନିମୁଦ୍ରା ତ୍ରିଖଣ୍ଡେଶୀ ତ୍ରିଗୁଣାମ୍ବା ତ୍ରିକୋଣଗା । ଅନଘାଽଦ୍ଭୁତଚାରିତ୍ରା ବାଞ୍ଛିତାର୍ଥପ୍ରଦାୟିନୀ ॥ ୧୮୦ ॥
ଅଭ୍ୟାସାତିଶୟଜ୍ଞାତା ଷଡଧ୍ୱାତୀତରୂପିଣୀ । ଅବ୍ୟାଜକରୁଣାମୂର୍ତିରଜ୍ଞାନଧ୍ୱାନ୍ତଦୀପିକା ॥ ୧୮୧ ॥
ଆବାଲଗୋପବିଦିତା ସର୍ୱାନୁଲ୍ଲଙ୍ଘ୍ୟଶାସନା । ଶ୍ରୀଚକ୍ରରାଜନିଲୟା ଶ୍ରୀମତ୍ତ୍ରିପୁରସୁନ୍ଦରୀ । ଶ୍ରୀଶିବା ଶିବଶକ୍ତ୍ୟୈକ୍ୟରୂପିଣୀ ଲଲିତାମ୍ବିକା । ଏବଂ ଶ୍ରୀଲଲିତା ଦେବ୍ୟା ନାମ୍ନାଂ ସାହସ୍ରକଂ ଜଗୁଃ ॥ ୧୮୨ ॥